Na jieyuu laülaayuukana müinjana aka saaʼin wei wamüin ooʼulaka na majayünnüükana müinjana aka saaʼin wawalayuu

Saashin tü Bibliakat müinjana aka saaʼin wei jee washi na laülaayuukana otta na majayünnüükana jee na jimaʼaliikana müinjana aka saaʼin wawalayuu wamüin (paashajeʼera 1 Timoteo 5:1, 2). Na wawalayuu tooloyuukana neeʼiyatüinjatü kapülain naaʼin jee kojutuin namüin na wawalayuu jieyuukana.

Wanee wawala nnojoishi alaajaakümüinjachin suʼupala wanee jierü jee nnojotsü mojushiinjatüin sümüin yalain nia sümaa (Job 31:1). Wanee wawala eekai maʼwayuusein nnojotsü nimeeʼerainpalainjatüin wanee wawala sümaa nnojoluin kasaaleein nia sümaa.

Jülüjainjatü maʼin naaʼin na laülaashiikana nanüiki na wawalayuu jieyuukana nasakirüle süchiki wanee kasa natüjaweeka aaʼu jee süchiki wanee kasa anouteʼennajatka. Kapülainjatü maʼin naaʼin na laülaashiikana na jieyuu maʼwayuusekana (Rut 2:8, 9).

SÜCHIKIJEE JÜNAJÜIN TÜ VIDEOKOT WEEʼIYATÜINJATÜ WANEEPIA SÜNAIN ALIN WAPÜLA NA WAWALAYUUKANA: NA JIEYUU OUTAKANA AʼWAYUUSE JEE NA MOOʼUTSHIIKANA, JUSOUTA SHIʼIPAJEE TÜÜ:

• 

  ¿Kasa naaʼinraka na wawalayuukana süpüla neeʼiyatüin alin maʼin napüla tü wawalakat Su Su?

• 

  ¿Jamüsü nanüiki na wayuu kepiakana pejepünaa sünain tü wawalakat wanaa sümaa neʼrüin alin maʼin shia napüla na wawalayuukana?

• 

  ¿Kasa naaʼinraka na süchonniikana Su Su sutuma neʼrüin nakaalinjünüin maʼin natuma na wawalayuukana?

¿Kasa paaʼinrajatka süpüla jaʼyain paaʼu kapülain paaʼin na wawalayuu jieyuu outkajakana pümaa?