WAKUWAʼIPA SÜNAIN ANOUJAA
Ayata wekirajaain süpüla wayaawatüin saaʼu tü anakat noʼuluʼu Maleiwa jee tü mojukat nümüin
Wanee ayoujiraai ekirajaainjachi nia waneepia süpüla katchinjatüin naaʼin. Müsia neʼe tü waaʼinrüinjatkat, ayatüinjana waya ekirajaain süpüla wayaawatüin saaʼu tü anakat nümüin Maleiwa jee tü mojukat noʼuluʼu otta anain sukuwaʼipa tü waneekakat (Heb 5:14). Mayaainjeʼe mapüleein washatüin tü naaʼinrakat na waneinnua, wayainjana aneeküin tü waaʼinrüinjatkat, süka jamüin, asouteena waya nümüin Maleiwa saaʼujee tü waaʼinrakat (Ro 14:12).
Nnojotsü weʼitaainjatüin sünain anainjatüin tü kasa waneekakat sutuma kakaliain waya woutiisain. Süpüla anainjatüin maʼin tü kasa waneekakat, weʼitaainjatü waaʼin nünain Jeʼwaa, sünain tü nümakat wamüin suluʼu tü Bibliakat otta tü nüküjakat wamüin sükajee tü nupueulosekat (Jos 1:7, 8; Pr 3:5, 6; Mt 24:45).
SÜCHIKIJEE JÜNAJÜIN TÜ VIDEOKOT «WULEINJATÜ PUTUMA TÜ PAAʼINKAT», JUSOUTA SHIʼIPAJEE TÜÜ:
¿Kasa süneeküinjatka Ana?
Nüneeküinjachire wanee wayuu tü naaʼinrüinjatkat süka naaʼin nümüiwaʼa, ¿jamüsü nnojotka anain waküjale nümüin kasain naaʼinrüinjatka?
¿Kasa aküjünaka sümüin Ana nutuma wanee wayuu sümaa nuʼwayuuse?
¿Jalasü süchajaain Ana tü pütchikat süpüla anainjatüin tü saaʼinrüinjatkat?