Nüküjain Jacob namüin na nüchonniikana wanee kasa alatüinjatka.
KOROLO KOJUTUSÜ SULUʼUKA TÜ BIBLIAKAT
Anasü maʼin shiitajia nutuma Jeʼwaa tü mmakat namüin na israeliitakana
Ashantanajiraashii naya saaʼu tü mmakat süpüla nayaawatüin saaʼu tü nümakat Jeʼwaa süchiki jamüinjatüin sukuwaʼipa tü mma aapünüinjatkat namüin na poloo piamakana eʼiruku (Jos 18:10; it-2-S 238 püt. 1).
Nikeraajüin Jeʼwaa tü nümatüjütkalia Jacob süpülapünaa outuin nia (Jos 19:1; it-1-S 1120 püt. 2).
Nuuʼulaain Jeʼwaa na israeliitakana naneeküin sajaʼapüin tü mma aapünüinjatkat namüin na poloo piamakana eʼiruku (Jos 19:9; it-2-S 238 püt. 2).
Nnojoishii aʼülüjiraain na israeliitakana jee nachunjain saaʼujee tü mma aapünakat namüin, süka anain maʼin nutuma Jeʼwaa shiitajia tü mmakat. Meerüjaʼa neʼe sukuwaʼipa nutuma Jeʼwaa suluʼu tü paʼaraiisükat. ¿Jamüsüche paaʼin süka pütüjaain saaʼu niainjachin Jeʼwaa oʼuniraka sukuwaʼipa tia?