mwb22 juulioʼu süp. 7
¿Püchajaainche sukuwaʼipa süpüla paapüin paʼanasia nümüin Maleiwa?

Wakuwaʼipa otta Waʼyataain nümüin Maleiwa. Wekirajaayainjatü sünain tü outkajawaakat (2022)

mwb22 juulioʼu süp. 7

KOROLO KOJUTUSÜ SULUʼUKA TÜ BIBLIAKAT

¿Püchajaainche sukuwaʼipa süpüla paapüin paʼanasia nümüin Maleiwa?

Nukumajeein David wanee aʼajülee nümüin Maleiwa suluʼu nuumain Arauna (2Sa 24:18).

Kamaneeshi Arauna nümüin David. Nüsülajeein nuumain jee mürüt nümüin David süpüla naapüin shia nümüin Maleiwa (2Sa 24:21-23).

Nnojotsü naapeein David nümüin Maleiwa wanee kasa maliaka nüpüleerua (2Sa 24:24, 25; it-1-S 174).

Kojuyasü ayaakua süchiki tü eekat süpüla waaʼinrüin sünain tü aʼyatawaakat nümüin Jehová. 1. Waneinnua wawalayuu akaalinjakana sünain akumajaa wanee Piichi Outkajaalee. 2. Wanee wawala laülaairü shiʼitaain tü nneerü süsülajüinjatkat suluʼu tü kojonchonkot. 3. Aküjasü pütchi wanee wawala sümaa suʼwayuuse süka tü kareetachonkot. 4. Waneinnua wawalayuu sünain akaalinjaa na wawalayuu eʼrakana namüliala.

Waʼyataale maʼin nümüin Jehová süka süpüshuaʼa watchin jee süka tü kasa wamaʼanakat, talateechi maʼin nia, jama waapüin waʼanasia nümüin süka süpüshuaʼa waaʼin (w12-S 15/1 18 püt. 8). ¿Kasa piʼyataweeka achiirua süpüla puʼwaajüin Maleiwa süka süpüshuaʼa paaʼin? (Heb 13:15).