KOROLO KOJUTUSÜ SULUʼUKA TÜ BIBLIAKAT

Talata waya sümaa tü eekat wamaʼana otta wooʼulaa nuʼuniraiwa wakuwaʼipa Jehová

Chi nünüikimaajachikai Maleiwa niyoutuin tü nüsülajakat Jeroboán (1Re 13:7-10; w08-S 15/8 8 püt. 4).

Chi nünüikimaajachikai Maleiwa nnojoishi oonooin mapa sümaa tü nuluwataakalü anain Jehová (1Re 13:14-19; w17.01 21 püt. 3).

Mojusü nukuwaʼipa chi nünüikimaajachikai Maleiwa süka nnojoluin naaʼinrüin tü aluwataanakalü anain nia (1Re 13:20-22; w17.01 20 püt. 2).

Wanee wawala sümaa nuʼwayuuse neʼrajaain jeʼrain nakataajüin sümaʼinruʼu chain anuuipaʼa nachonnii sünain ashaitaa.

Talatüle waya sümaa tü kasa wamaʼanakat jee jülüjale waaʼin nünüiki Maleiwa süpülapünaa waneeküin wanee kasa, aneerü wakuwaʼipa (1Ti 6:8-10).

PÜSAKIRA PAAʼIN: ¿Kasa taaʼinrajatka süpüla jaʼyain taaʼu talatüin taya sümaa tü kasa tamaʼanakat? ¿Kasa taaʼinrajatka süpüla tooʼulaain niain Jehová oʼunirüin takuwaʼipa taneekapa wanee kasa? (Pr 3:5; 11:2).