Nüküjain Eliseo nümüin chi aʼyataakai nümüin wainmaleʼeya na namaakana noulia na namaakana na naʼünüükana (2Re 6:16).

KOROLO KOJUTUSÜ SULUʼUKA TÜ BIBLIAKAT

Wainmaleʼeya maʼin na wamaakana noulia na namaakana

Outkaajaanüshi Eliseo nümaa chi aʼyataakai nümüin natuma na naʼünüükana (2Re 6:13, 14; lfb 126 püt. 2).

Jimatüsü naaʼin Eliseo otta nütütüleʼerüin naaʼin chi aʼyataakai nümüin (2Re 6:15-17; w13-S 15/8 30 püt. 2, piirakaa sümüin tü ayaakuaa sünainkat süta karaloʼutakat tüü).

Aainjashi Jehová kasa pülasü nüpüleerua Eliseo nümaa chi aʼyataakai nümüin süpüla noʼtteʼerüin naya (2Re 6:18, 19; lfb 126 püt. 3–127 püt. 1).

Nünanajüin Jesús otta na aapieekana na wattakana naalii surulaat otta pulusiia kaayeruʼupünaaka. Wanee aküjai pütchi nikerotirüin piamashii wawalayuu nipialuʼumüin.

Pülaleeshia maʼin Jehová noulia na waʼünüükana. Jülüjataa paaʼin tü naaʼinrakat Jehová nakajee na aapieekana süpüla naaʼinmajüin na aʼyataakana nümüin noulia na yolujaakana. ¿Kasa antajaaka pikiiruʼu jülüjapa paaʼin tia?