Puʼtta sünain ekirajaa wayuu sünain tü Bibliakat sükajee videokalüirua tüü

Eesü pienchisü video aashajaaka süchiki ekirajawaa sünain tü Bibliakat. ¿Kasapülajatü shia waneʼewai sukua? ¿Jamüinjatü sukuwaʼipa watuma waküjapa pütchi süka?

• 

  ¿Jamüshii wekirajaainjanaka sünain tü Bibliakat? Tia süpülajatü kamalain sümüin wayuu shikirajaain sünain tü Bibliakat jaʼitasü naatain tü iküleesia kaluʼukat naya. Sütütüleʼereerü naaʼin süpüla nachajaain suluʼujee tü Bibliakat tü pütchi natüjaweekalü aaʼu otta eeʼiyatünüsü wanee sukuwaʼipa suluʼujee tia videokot süpüla nayaawatüin saaʼu pansaain tü sümakat tü Bibliakat. Sajaʼlajaayamüin tü videokot, aküjünüsü namüin tü naaʼinrajatkat süpüla nachuntuin ekirajawaa sünain tü Bibliakat.

• 

  ¿Jamüshii wekirajaainjanaka sünain tü Bibliakat? (shiʼipa neʼe tü videokot). Meematüsü aka saaʼin tü wane videokot. Süka motsoin sümaʼa, anasü maʼin eeʼiyataa shia namüin na wayuu kupaakana maʼin.

• 

  ¿Kasa sünainpünaaka ekirajawaa sünain tü Bibliakat? Tia süpülajatü keeʼireein naaʼin na wayuukana natüjaain saaʼu sukuwaʼipa tü ekirajawaakat sünain tü Bibliakat otta süpüla natüjaain saaʼu waneirua pütchi asakinnaka süchiirua tia, maʼaka saaʼin tü naaʼinrajatkat süpüla nachuntuin ekirajawaa.

• 

  Sukuwaʼipainjatü ekirajawaa sünain tü Bibliakat. Videokot tüü eeʼiyatünüinjatü namüin na ekirajaakana sünain tü Bibliakat. Mayaainjeʼe shiiʼiyatünüinjatüin tia videokot suluʼujee tü karaloʼutakat Anainjatka atuma pukuwaʼipa waneepia suluʼuka süpana piama, eesiaʼaya süpüla piiʼiyatüin shia pikirajapa sükajee tü poyeetokot. Videokot tüü süküjain kasain saashajaain achiki tia karaloʼutakat otta süküjain nümüin chi ekirajaakai jamüinjatüin sukuwaʼipa tü ekirajawaakat sünain tü Bibliakat.

Mayaainjeʼe naatawalin tü akumajünakalü apüla tia videokalüirua, eesü süpüla weeʼiyatüin jee waluwataain suluʼupünaa internet namüin na wayuukana soʼu tü kaʼi anashiikalü oʼu namüin. Anasü watüjaale saaʼu kasain saashajaain achiki tia videokalüirua otta waküja maʼin pütchi sükajee.