Pukooʼomüinra piʼyataain nümüin Maleiwa süpüla juyakat 2024

Tü waʼyataweekalü anain nümüin Jehová shia tü kasa waʼyataainjatkat maʼin achiirua süpüla wakooʼomüinrüin tü waʼyataainkat nümüin jee müsia tü waaʼinreekalü amüin süpüla talatüin nia wamaa. Anasü waaʼinrüle tia süpüla sükooʼomüinraain tü wanoulakat (1Ti 4:15). ¿Jamüsü anaka jülüjawaire waaʼin tü waʼyataweekalü achiirua? Shia süka suʼwanajaʼawalin tü wakuwaʼipakat. Eesüjaʼa wayaawatüle saaʼu iseerüin wachiki wountuin wanee aʼyatawaa. Eesüjaʼa wayaawatüle saaʼu wountuitpain wanee aʼyatawaa waʼyataweeka anain otta anain waʼyataale süchiirua waneʼeya.

Nnojoluiwaʼaya suʼttuin tü waʼyataainkat nümüin Maleiwa süpüla juyakat 2024, anasü maʼin jülüjale waaʼin tü waʼyataweekalü achiirua. ¿Jaashajaweeinche süchiki tia soʼu tü kaʼi juʼwaajakalü oʼu Maleiwa sümaa jüpüshi? Eeshiijaʼa süpüla jaashajaain süchiki tü jiʼyataweekalü achiirua waneʼewai jukua otta süchiirua tü juunteekat jüpüshuaʼa.

Sünainjee tü pütchi süttakat, ¿kasa piʼyataweeka achiirua sünain aʼwaajaa Maleiwa? ¿Kasa paaʼinrajatka süpüla puuntuin shia?