WAKUWAʼIPA SÜNAIN ANOUJAA
Washata nukuwaʼipa Jehová
Muloʼu maʼin tü waalinkat nüpüla Jehová, anasü washatüle nukuwaʼipa (Sl 103:11). Nnojotsü alatapünaain tü waalinkat nüpüla, matüjainsat ajaʼttaa shia. Muloʼu maʼin tü naalinkat na israelitakana nüpüla Jehová. Atüjaana aaʼu tia sünainjee tü kasa naaʼinrakat napüleerua. Taashishii naya nutuma Egiptojee otta nüntirüin naya suluʼumüin wanee mma anasü (Sl 105:42-44) Atkaashi nia napüleerua otta kojuyatua motuin naaʼin naainjala (Sl 107:19, 20). Wekirajaapa süchiki tü naaʼinrakat Jehová süpüleerua wayuu saaʼujee muloʼuin maʼin saalin nüpüla, washateerü maʼin nukuwaʼipa (Sl 107:43).
SÜCHIKIJEE JÜNAJÜIN TÜ VIDEOKOT JÜLÜJASHAATA PAAʼIN TÜ NAAʼINRÜITKAT JEHOVÁ SAAʼU ALIN WAYUU WANEEPIA NÜPÜLA, JUSOUTA SHIʼIPAJEE PÜTCHIKAT TÜÜ:
¿Kasa waaʼinrajatka süpüla jaʼyain waaʼu muloʼuin saalin wayuu wapüla?
¿Jamüsü wooʼulaainjatka suulia waaʼinrüin waneirua kasa süpüla jaʼyainjatüin waaʼu muloʼuin saalin wayuu wapüla?