WAKUWAʼIPA SÜNAIN ANOUJAA

Pükaalinja na wayuu mamalainkana amüin tü anoujaakat

¿Eeiria jülüjain paaʼin nnojoluin anain püküjale tü pütchikat nümüin chi wayuu mamalainkai amüin tü anoujaakat? Mülejeʼeya tia, anasü sotule paaʼin wainmainnain na wawalayuu anoujainnapakana süchikijee mamalainpuʼuin namüin tü anoujaakat. Shiaʼala neʼe choʼujaaka namüin noʼutku nayakana nekirajünüin sünain tü kasa nayaawatüinjatkalü akajee shiimain eein chi Maleiwakai (Ro 1:20; 10:14).

SÜCHIKIJEE JÜNAJÜIN TÜ VIDEOKOT NA WAYUU MANOULAKANA EESHII SÜPÜLA KANOULAIN NAYA MAPA: NA MAMALAINKANA AMÜIN ANOUJAA, JUSOUTA SHIʼIPAJEE TÜÜ:

• ¿Jamüsü sükatsüinraka paaʼin tü naaʼinrakat Tommaso süpüla püküjain pütchi namüin na mamalainkana amüin tü anoujaakat?

Püshaja susoutia

Tü paaʼinrajatkat

Paashajaale nümaa wanee wayuu manoujainkai nünain Maleiwa, kamanee pia nümüin, ana pünüiki nümüin otta paapaja nünüiki (2Ti 2:24). Paashajaa nümaa süchiki waneirua pütchi kamalainka nümüin. ¿Jutatüsüche nukuwaʼipa süpüla naapajüin tü pütchi nayaawatakalü akajee na waneinnua shiimain eein chi Kakumalakai kasa süpüshuaʼa? Pikiraja nia sükajee tü karaloʼuta otta tü video wamaʼanakat aashajaaka süchiki tia.

Eeshijaʼa mmorüle pia sünain aashajawaa nümaa wanee wayuu manoujainkai nünain Maleiwa. Müle pukuwaʼipa, puchunta kaalinwaa nümüin wanee wawala atüjakai ekirajaa wayuu. Soto paaʼin nükaalinjeechin pia Jehová süpüla püntüin suluʼumüin naaʼin na wayuu achekakana nekirajünüin nüchiki Maleiwa, jaʼitashiijaʼa nnojoliin nanoujain sünain eein nia (Alu 13:48).