WAKUWAʼIPA SÜNAIN ANOUJAA
Jia kachonshiikana, jikiraja jüchonnii süpüla talatüin Jehová natuma
Aishii maʼin na tepichikana nüpüla Jehová. Jülüjasü naaʼin sükooʼomüinraale nanoula, sükooʼomüinraale tü naalinkat napüla otta noonoole sümaa nünüiki jaʼitairü kapüleein shia namüin (1Sa 2:26; Lu 2:52). Jaʼitainna tepichijayüliin na jüchonniikana, eeshi süpüla talatüin Jehová natuma anale tü nakuwaʼipakat (Pr 27:11). Nakajee na wawalayuukana naapüin Jehová namüin na kachonshiikana waneirua kasa süpüla nekirajüin nachonnii süpüla alin nia napüla otta noonooin sümaa nünüiki.
SÜCHIKIJEE JÜNAJÜIN TÜ VIDEOKOT JIMAʼALII OTTA MAJAYÜNNÜÜ: ¡TALATÜSHI MAʼIN JEHOVÁ SUTUMA JÜCHECHERÜIN JAAʼIN! JUSOUTA SHIʼIPAJEE TÜÜ:
Soʼunnaa wainma juya, ¿kasa naapaka Jehová namüin na tepichikana süpüla nuʼunirüin nakuwaʼipa?
¿Kasa nekirajaka aka maaʼulu na wawalayuukana nachonnii?
Jimaʼaire pia jee majayürüle pia ¿jarat tü jalouikat pümüin saʼakajee tü kasa naapakat Jehová?, ¿jamüsü jalouika shia pümüin?