¿Anasüche pukuwaʼipa noʼuluʼu na waneinnua maʼaka naaʼin Job?

Sutuma tü naaʼinrakat Job, kojutushi nia natuma na kepiakana nüʼütpünaa (Job 29:7-11).

Eʼraajünüshi maʼin Job suluʼu wayuuin kamaneein nia namüin na wayuu choʼujaakana amüin kaalinwaa (Job 29:12, 13; w02-S 15/5 22 püt. 19; piirakaa sümüin tü ayaakuaa sünainkat süta karaloʼutakat tüü).

Lotusü tü naaʼinrakat Job napüleerua na waneinnua (Job 29:14; it-1-S 1225 püt. 10).

Kojuyasü ayaakuaa: Wanee wawala majayülü sünain akaalinjaa na waneinnua. 1. Sajattüin wanee wawala laülaa sünain okoyojoo. 2. Saapajüin sünüiki wanee wawala. 3. Yalasü shia sümaa wanee wawala sünain aküjaa pütchi sümüin wanee wayuu awaraijeʼeraka sümüʼlüin. 4. Eitajüsü eküülü namüin na wawalayuu suunejaakana shipialuʼumüin.

Anasü maʼin anale nukuwaʼipa wanee wayuu noʼuluʼu na waneinnua (w09-S 1/2 15 püt. 3, 4). Aneerü pütchi wachiki ayatüle waaʼinrüin tü anasükat.

PÜSAKIRA PAAʼIN: «¿Kasache jülüjaka naaʼin na waneinnua süchiki takuwaʼipa?».