WAKUWAʼIPA SÜNAIN ANOUJAA
Tü taaʼinrakat süpüla anain pütchi nachiki na Aküjaliikana pütchi
Jülüjasü maʼin naaʼin na wayuukana nakuwaʼipa na aküjaliikana pütchi nüchiki Jehová (1Co 4:9). Eesü süpüla wasakirüin waaʼin sünain tüü: «¿Kojutushiche Jehová atumawaa sünainjee tü taaʼinrakat jee tü tamakat?» (1Pe 2:12). Sutuma anain maʼin tü naaʼinrakat na aküjaliikana pütchi nüchiki Jehová soʼunnaa wainma juya, anasü tü jülüjakat naaʼin wainma wayuu nachiki. Müsüjeseʼe nnojoluin waainjeein wanee kasa mojeetka atuma pütchi nachiki (Ec 10:1).
Püshaja wünaapünaa sünainjee waneʼewai sukua tü pütchikat tü naaʼinrajatkat wanee anoujashi otta tü wetsiikulo jalouijeetkat nümüin:
Jashichire pümüin wanee wayuu manoujainkai jee mojule pütchi pümüin.
Yarüttüle püsheʼin, peʼejena otta pipia.
Nnojorüle anain pümüin wanee kasa naluwataaka anain na sülaülashiikana mma jee shiale kapüleein pümüin poonooin sümaa.
¿Kasa naaʼinraka na wawalayuu ekirajaakana süchiirua wanee kasa suluʼu Departamento de Redacción süpüla pansaain tü pütchi ojuʼitakat suluʼu karaloʼuta jee video?
SÜCHIKIJEE JÜNAJÜIN TÜ VIDEOKOT KOJUTUSÜ WAMÜIN PANSAALE WANEE PÜTCHI, JUSOUTA SHIʼIPAJEE TÜÜ:
¿Kasa kamalainka pümüin sünainjee tü naaʼinrakat na wawalayuukana süpüla pansaain natuma tü pütchi nakumajakat?