Püchajaa suluʼu jw.org
Pütchi eʼitaanüitpaka suʼttianainjee tü paajinakat
Wainma wawalayuu aküjakana pütchi süka tü pütchi eʼitaanakat suʼttianainjee tü paajinakat jw.org. Mapüleechonsü aluwatawaa shia sümüin wayuu suluʼupünaa internet otta eesü saashajaʼawaire süchiki tü kasa ekeraajakat maaʼulu suluʼujee tü Bibliakat. Anuu tü nüshajakat wanee wawala süchiki tia: «Shiaʼaya maʼin choʼujaaka wamüin tü sümakat süpüla waküjain pütchi».
Aʼwanajaʼawaisü tü pütchi eʼitaanakat suʼttianainjee tü paajinakat jw.org. ¿Jamüsü süpüla püntüin sünain tü pütchi nnojoluitpakat eeʼiyatünüin suluʼujee?
Suʼttianainjee tü paajinakat jw.org piʼitaa clic eere sümüin «Pünaʼla sooʼomüin» shikialuʼusü eere sümüin «Piʼrüinjatka palajana» jee paaʼinrüle tia suluʼupünaa wanee serulaat, wünaapünaasü sünainjee. Eeirula meeria tü paajinakat «Pütchi jeketüka ojuʼitüin suluʼu jw.org» pünteerü anain waneirua pütchi nnojoluitpaka eʼitaanüin suʼttianainjee tü paajinakat.
Suluʼu jw.org püneeka eere sümüin «Karaloʼutairua» jee süchikijee eere sümüin «Kojuyasüirua pütchi» otta sajaʼttiamüin eere sümüin «Waneirua pütchi», yala puusüteerü anain soʼutku tü pütchi ojuʼitakat suʼttianainjee tü paajinakat jw.org. Akaʼaya tia pütchikalüirua eesü süpüla püchajaain shia suluʼu JW Library®.