Süchiki wanee wawala

Anasü wamüliajüle wayuu maʼleekalia

Wanee wawala chejeʼewatka Nueva Zelanda shiʼrajüin wanee video suluʼu jw.org aashajaaka süchiki nüchajaain sukuwaʼipa Jehová süpüla nümüliajüin saaʼin wayuu (Is. 63:7-9). Anasü sümüin süshatüin nukuwaʼipa Jehová. Müsüjeseʼe süchajaain sukuwaʼipa süpüla sükaalinjain wayuu. Soʼuleʼeya kaʼikat tia ayaʼlajüsü shia wanee kasa tientaluʼu. Shiʼraajaka yala wanee wayuu mepiasat, shiyaʼlajaka eküülü süpüla saapüin sümüin. Sajayataka tü wawalakat tia kaʼikat süpüla süküjain pütchi sümüin tia wayuukot. Saapaka sümüin tü karaloʼutachonkot ¿Eejeetche wanee kaʼi nnojoleetkalü oʼu müliain wayuu?

Shiʼyalajaka tü wayuukot otta süküjain sümüin tü wawalakat suʼunapuʼuin sünain tü outkajawaakat jintuluiwaʼaya shia süka naküjaliin pütchi nüchiki Jehová na wayuu kachooinkana shia, kakaliapejeʼe shia nnojoluin outkajaain. Mayaainjeʼe müin tia, oʼuraajüsü shia jekenainka süpüla sürütkaain nünainmüin Jehová süchikuaʼa. Saapaka tü wawalakat wanee Biblia sümüin otta nakumajüin sukuwaʼipa süpüla nekirajaain sünain tü Bibliakat.a

Maʼaka naaʼin Jehová eeshii süpüla wamüliajüin wayuu, eeshii süpüla wamüliajüin na wapüshikana otta na wawalayuu anoujakana wanaa wamaa. Otta süpüla wamüliajüin naaʼin na wayuukana anasü waküjale pütchi namüin.