Waaʼinrajatka müliale waya atumawaa

Paashajeʼera Génesis 37:23-28; 39:17–23 süpüla pütüjaain saaʼu tü kasa mojusü aainjünakat nümüin José.

Pikirajaa sooʼomüin. ¿Jamüshi müliakaʼa atumawaa José? (Gén. 37:3-11; 39:1, 6-10) ¿Jeʼra nükalia suluʼu müin nukuwaʼipa? (Gén. 37:2; 41:46). ¿Kasa naaʼinraka Jehová nüpüleerua soʼu tia? ¿Kasa nnojotka naaʼinrüin nüpüleerua? (Gén. 39:2, 21; w23.01 17 püt. 13).

Püchajaa sooʼomüin pütchi. Nnojotsü süküjain tü Bibliakat nusoutule José saaʼu tü alawaa süküjakat nüchiki tü nuʼwayuusekat Potifar. ¿Jamüsüche nnojotkaʼa naaʼinrüin tia José? ¿Jamüsüche nnojotkaʼa süküjain tü Bibliakat süpüshuaʼa tü alatakat soʼu tia? (Prov. 20:2; Juan 21:25; Aluw. 21:37). ¿Jamüsü nuuntakaʼa José nüchecherüin naaʼin soʼunnaa müliain nia? (Miq. 7:7; Luc. 14:11; Sant. 1:2, 3).

Jülüja paaʼin tü pütüjakat sünainjee. Püsakira paaʼin sünain tüü:

• «¿Kasa eeka süpüla saainjünüin tamüin sünainjee toushikajaain süchiirua nukuwaʼipa Jesús?» (Luc. 21:12, 16, 17; Heb. 10:33, 34).

• «¿Kasa taaʼinrajatka süpüla tachecherüin taaʼin soʼunnaa müliain taya atumawaa?» (Sal. 62:7, 8; 105:17-19; w19.07 2-7).