Pikirajaa süpüla eejüinjatüin paaʼin

Paashajeʼera Daniel 9:1-19 süpüla pütüjaain saaʼu jamüin pikirajaainjachin maʼin sünain tü Bibliakat.

Pikirajaa sooʼomüin. ¿Kasa alataka süpülapünaa nüshajüin Daniel tü suluʼukat Daniel kapiitulo 9? ¿Jamüsü naaʼin Daniel sutuma tü alatakat? (Dan. 5:29–6:5). ¿Jamüsüjeʼe paaʼin piale alatüin amüin tü alatakat nümüin Daniel?

Püchajaa sooʼomüin pütchi. ¿Jeʼtsü tü karaloʼuta nüchikimaajatkat Maleiwa nikirajaaka anain Daniel? (Dan. 9:2, noota; w23.08 4 püt. 7). ¿Jamüsü nüküjakaʼa Daniel süchiki tü mojukuwaʼipatkat nutuma jee müsia naainjala na israelitakana? (Lev. 26:39-42; 1 Rey. 8:46-50; dp-S 182-184). Sünainjee nuʼuraajüin Daniel, ¿jamüsü wayaawatakaʼa saaʼu nikirajaain maʼin sünain tü Nünüikikat Maleiwa? (Dan. 9:11-13).

Jülüja paaʼin tü pütüjakat sünainjee. Püsakira paaʼin sünain tüü:

• «¿Kasa taaʼinrajatka suulia mmoluin taaʼin sutuma tü alatakat sainküinpünaa tü mmakat?» (Miq. 7:7).

• «¿Kasa anasü teʼreetka tekirajaale nünüiki Maleiwa maʼaka naaʼin Daniel?» (w04-S 1/8 12 püt. 17).

• «¿Kasa pütchi jalouika süpüla tekirajaain anain süpüla eejüinjatüin taaʼin?» (Mat. 24:42, 44; w12-S 15/8 5 püt. 7, 8).