Na waneepiakana nümaa Jehová nekeraajüin tü namakat nümüin

Paashajeʼera Jueces 11:30-40 süpüla jülüjain paaʼin tü pütüjakat nünainjee Jefté otta tü nüchonkat süchiki wekeraajüinjatüin tü wamakat nümüin Jehová.

Pikirajaa sooʼomüin. ¿Kasa jülüjaka naaʼin na israelitakana süchiki nekeraajüinjatüin tü pütchi namakat nümüin Jehová? (Núm. 30:2). ¿Kasa naaʼinraka Jefté otta tü nüchonkat saaʼujee kanoulain naya nünain Jehová? (Juec. 11:9-11, 19-24, 36).

Püchajaa sooʼomüin pütchi. ¿Jamüsü nünüiki Jefté nümüin Jehová? ¿Kasa wayu tü naapüinjatkat Jefté nümüin Jehová? (w16.04 6 püt. 12). ¿Mapüleesüche nümüin Jefté otta sümüin tü nüchonkat nekeraajüin tü nümakat nümüin Jehová? (w16.04 6, 7 püt. 14-16). ¿Kasa pütchi napansaajaka nümüin Jehová na aʼyataashiikana nümüin maaʼulu yaa? (w17.04 6-9 püt. 10-19).

Jülüja paaʼin tü pütüjakat sünainjee. Püsakira paaʼin sünain tüü:

• ¿Kasa taaʼinrajatka süpüla tekeraajüin tü tamakat nümüin Jehová soʼu tü kaʼi taapakalü oʼu taaʼin nümüin? (w20.03 13 püt. 20).

• ¿Kasa tooʼulaainjatka süpüla taaʼinmaain maʼin tü taʼyataainkat nümüin Jehová?

• ¿Kasa taaʼinrajatka süpüla tekeraajüin tü tamakat sümüin taʼwayuuse soʼu tü kaʼi kasaatkalü oʼu waya? (Mat. 19:5, 6; Éf. 5:28-33).