¿Niache Maleiwa kasitka tü müliaakat?

Susoutaka eʼipajee tü Bibliakat

Saashin tü Bibliakat, nnojoishi niain Maleiwa kasirüin. Nnojoishii nukumajüin Maleiwa na wayuukana süpüla müliain naya. Makaʼa eein müliaa shia süka eʼrüliijaain wayumüin Adán sümaa Eva nümüin Maleiwa otta naneeküin tü anakat saaʼin namüin. Nayoutuin laülaain naaʼu chi Kakumalakai naya, makalaka neʼrüin müliaa.

Müliashii maʼin waya süka müin nakuwaʼipa. Nnojoishi niain Maleiwa kasirüin tü müliaakat.

Anuu sünüiki tü Bibliakat: «Chi wayuu eekai naaʼinreein kasa mojusü, nnojotsü anain müleka ‹Nia Maleiwa kaainjalaka atüma taya› nümüle. Watüjaa aaʼuchi chi Maleiwakai sünain nnojolin kaainjaleein je sünain nnojolüin naaʼinrireein wayuu kasa mojusü» (Santiago 1:13). Eʼrüsü müliaa wayuu süpüshuaʼa, jaʼitainna na aʼyataashiikana nümüin Maleiwa.