¿Kasapülajana eeka waya?

Tü sümakat tü Bibliakat

Wainma na asakirakana sünain tia. Eesüjaʼa müle nünüiki wanee wayuu: «¿Kasapülajana yaaka waya yaʼaya?» jee shiale «¿Jamüshiiche eeka waya?». Süküjain tü Bibliakat eein süpüla wountuin naʼaleewain waya Maleiwa. Anashii wekirajaale sünain tü sümakat tü Bibliakat süpüla wayaawatüin saaʼu tia.

• Nia kakumalaka waya Maleiwa. Anuu tü sümakat tü Bibliakat süchiki tia: «Nia kakumajalakai waya [Maleiwa] otta nia laülaakai waaʼu» (Salmo 100:3; Alateetkat Mapeena [Apocalipsis] 4:11).

• Eesia tü nukumajaka apüla Maleiwa wanee kasa, müshiʼiya na wayuukana nutumayaa (Isaías 45:18).

• Nukumajüin waya Maleiwa süpüla waʼwaajüin nia sümaa watüjaweein saaʼu jamüin eeka waya (Mateo 5:3). Keeʼireesü naaʼin naapüin wamüin tü suchuntakat waaʼin (Salmo 145:16).

• Wounteerü waʼwaajüin Jehová wachajaale maʼin sukuwaʼipa süpüla weʼraajüin nia otta aleewain waya nümaa, eesü süpüla wasaʼwatüin tia. Anuujeseʼe tü süküjakat tü Bibliakat wamüin wayakana wapüshuaʼa: «Jürütkaale nünainmüin Maleiwa, arütkaajeechi nia jünainmüin» (Santiago 4:8; 2:23).

• Süpüla naʼaleewain waya Maleiwa waaʼinrajatü tü nüchekakat wapüleerua. Müsü tü Bibliakat: «Anuu tü paaʼinrajatkat sünainjee tia: kojuta pümüin chi Maleiwa shiimainshikai otta paaʼinra tü nuluwataakalü anain pia, shiainjatü naaʼinraka wanee wayuu tia» (Eclesiastés 12:13).

• Soʼu palitchon kaʼi najaʼttirapa Maleiwa tü müliaakat, naapeerü kataa oʼu waneepia namüin napüshuaʼa na naʼaleewain waneepiakana nümaa. Neʼreetka shikeraajüin tü keeʼireekat naaʼin Maleiwa napüleerua napüshuaʼaya na wayuukana (Salmo 37:10, 11).