Noota

a Suluʼu tü Pütchi naapakat Jeʼwaa nümüin Moisés, nüküjain süchiki wanee kasa naaʼinrajatka na israeliitakana: shia tü kanüliakat Jubileo. Tia shia sünülia tü juya taashikalü oʼu nakuwaʼipa na israeliitakana suulia wainma kasa. Müshiijeseʼe naaʼinrüinjanain miʼiraa shikiira tia juyakat. Mayaainjeʼe nnojoluin waaʼinrüin maaʼulu tü aluwataanakalü anain na israeliitakana, choʼujaasü watüjain süchiki tü kanüliakat Jubileo. Sünain ekirajaayakat tüü, wekirajaajeerü anain jamüin meemataka tia aka saaʼin wanee kasa naaʼinraka Jeʼwaa wapüleerua otta tü waaʼinrajatkat süpüla weʼrüin anaa sünainjee tia.