Ajaʼttajatü kasa mojusü

¿KASA piʼraka yaaya? Wayuu ashakatüshii sirumatuʼujee saaʼu ama kasuutannuu. ¿Eesü ama chaaʼaya sirumatuʼu?

Nnojo, nnojoishii süpüla nawataain saaʼu tü sirumakat. Akatsaʼa eesü ama sirumatuʼu saashin tü Wiwüliakat. ¿Jamüsü sümaka tia?

Shia süka atkaayapuʼuin na amakana. Sümaka tü Wiwüliakat tia shia süka nütkaainjachin Maleiwa namaa na wayuukana. ¿Joujainjatü tia? Soʼu Armagedón, najaʼttirüinjatü Maleiwa süpüshuaʼa tü kasa mojusü eekat Mmapaʼa.

Shikiipuʼuinjachi Jesús tia atkawaakat. Soto paaʼin nüneeküin Jeʼwaa nia süpüla sülaülainjachin tü Nuluwataayakat. Makalaka eein sünain nikii wanee müsü aka saaʼin kotse. Tü chajaruuta nülüʼüjakat shiiʼiyatüin nuʼutuinjanain aaʼin na nüʼünüükana Maleiwa. ¿Ponuinjatü waaʼin najaʼttirüinjanain Maleiwa na mojulaashiikana?

Püchajaa tü Aküjalaakat 10. ¿Kasa piʼraka yala? Tü juya miyoʼushaatakat ouktaka atuma na mojulaashiikana. ¿Jara aʼitiraka tü juyakat? Nia Jeʼwaa. Piirakaa sümüin tü Aküjalaakat 15. ¿Kasa alataka yala? Najaʼttirüin Jeʼwaa Sodoma otta Gomorra süka siki.

Pünala tü Aküjalaakat 33. Ajaʼttinnüsü neʼejena na egipciokana. ¿Jara eiteʼeraka naaʼu tü palaakat? Nia Jeʼwaa. Tia shia süpüla naaʼinmajüin na israeliitakana. Püchajaa tü Aküjalaakat 76. Yala nuuʼulaain Jeʼwaa najaʼttinnüin na israeliitakana sutuma mojulaain naya.

Sutuma tia, nnojoluinjatü ponuin waaʼin nuluwataainjanain Jeʼwaa nusurulaatse süpüla najaʼttirüin tü kasa mojusü eekat Mmapaʼa. ¿Kaseerü alataka süchikijee tia? Pülatira süpana tü karalouktakat süpüla wekirajaain sünain.