Los jóvenes preguntan... ¿Qué haré con mi vida? (Shiʼipa 1)
Sümaʼinruʼu miyoʼuyuuin na tepichikana, eesü tü kasa naneeküinjatkat. Makalaka sukumajünüin tü peliikulakat Los jóvenes preguntan... ¿Qué haré con mi vida? Süpüla piʼrajüin tü peliikulakat, püneeka eere sümüin «Ver drama», pusoukteetka shiʼipajee tü asakinnakat anain suluʼu pütchi 2. Sünain tü pütchikat «Entrevistas», püneeka eere sümüin «Al mirar atrás...» otta pusoukta shiʼipajee tü asakinnakat anain suluʼu pütchi 3.
Peliikula. 1) ¿Kasa wanaawaka atuma nakuwaʼipa na jimaʼaliikana otta na majayünnüükana sümaa nukuwaʼipa Timoteo? 2) ¿Jamüsü pütchi nümüin Andy süpüla shiainjatüin jülüjüin naaʼin tü ayoujirawaakat? 3) ¿Jamüsü nünüiki chi wawalakai Fleissig nümüin Andy süchiki (1) niʼyataain nümüin Jeowa otta naaʼinmaain tü ayoujirawaakat? (Mat. 6:24.) (2) tü talatakat maʼin atuma saaʼin wayuu? (3) tü sotokat naaʼin sutuma tü niitainkat? (4) tü wayuukalüirua niiʼiyataka ayaakua? (5) nuuʼulaain suulia ayoujirawaa? (Filip. 3:8.) 4) ¿Jamüsü sünüiki noushu Andy wanaa sümaa nüsakirüin shia süchiki mojule naaʼinmaain tü ayoujirawaakat? (Luc. 4:5-7.) 5) ¿Talatshi sutuma nükanajüin? 6) ¿Kasa anaka maʼin pümüin sünainjee tü nüshajakat chi wawalakai Fleissig nümüin Andy? (Prov. 10:22.) 7) ¿Kasa niyaawataka aaʼu Andy nutuma chi wawalakai Fleissig?
Al mirar atrás. 8) ¿Kasa naainjapuʼuka na wawalayuu asakinnakana? ¿Jamüsü naainjaka shia? 9) ¿Jamüsü nakuwaʼipa sutuma? 10) ¿Kasa nayaawataka atuma nakuwaʼipa? (2 Cor. 5:15.) 11) ¿Kasa naʼyataaka anain nümüin Maleiwa? ¿Jamüsü isaka nachiki ayatüinya naya sünain tü naainjapuʼukat sümaa naʼyataain nümüin Maleiwa? 12) ¿Mojusü naaʼin sutuma nooʼulaain suulia tü naainjapuʼukat? 13) Jiakana jimaʼaliikana otta majayünnüükana, sünainjee tü pütchi aküjünakat, ¿jarat tü akaaliinjakat jia süpüla jütüjaain saaʼu tü jaainjüinjatkat?
Soʼu semaanakat tüseena, wekirajaajeerü anain tü namakat waneeinnua wawalayuu suluʼu tü peliikulakat. Jünaja shia süpüla jüsouktüin shiʼipajee tü asakinnakat anain.