‹Alinjana jüpüla na juwalayuukana anoujashiikana wanaa jümaa›
Sünülia pütchikat tüü, nüshajala Pedro süka eejachin chi naaʼinkai Maleiwa naaʼu, alüʼütsü süpüla sülatüin 2.000 juya süchikijee süshajünüin tia pütchikat (1 Ped. 2:17). Kojutüinjatü maʼin wamüin pütchikat tia maaʼulu yaa. ¿Jamüinjatü joo sukuwaʼipa watuma süpüla alinjanain wapüla napüshuaʼa na wawalayuukana? Sutuma mojuin maʼin sukuwaʼipa tü mmapaʼakat maaʼulu yaa. ¿Kasa waaʼinrüinjatka süpüla ayatüin aijiraain waya? (Mat. 24:12.) Piʼraja tü peliikulakat Toda nuestra asociación de hermanos makat. Süchikijee piʼrajüin shia, pusoukta shiʼipajee tü asakinnakat yaʼayaa wünaapünaa.
1) ¿Joujana waya eʼnnaajünüin sünain waküjüliin pütchi nüchiki Jeʼwaa? 2) Eesü apünüinsü kasa naaʼinraka na wawalayuukana sainküin tü mmakat süpüshuaʼa, ¿kasa wayuu naaʼinraka? 3) ¿Kasa naaʼinraka na wawalayuukana süka shiimüin naaʼinmaain maʼin tü aküjaakat pütchi nüchiki Maleiwa 1) Alaska 2) eere süshaʼwajüle tü anuakalüirua chaa Europa, 3) Perú, chaa sainküin mujuui? 4) ¿Jamüsü nnojotka wanaawain tü aküjaakat pütchi nüchiki Maleiwa sümaa wanee aʼyatawaa yalapünaa? 5) Püküjaka jamüin aijiraaka jee nakaaliinjiraaka na wawalayuukana süchikijee 1) sukutkujaain tü mmakat, 2) wanee wawai, 3) wanee atkawaa. 6) ¿Kasa waaʼinrajatka süpüla jaʼyain waaʼu aipüralin waya maʼaka naaʼin na wawalayuukana sainküin tü mmakat? (Juan 13:35.) 7) ¿Kasa anasü weʼreetka müleka wakaaliinjüle sünain akumajaa tü piichi outkajaaleekalüirua? 8) ¿Kasa naaʼinraka na wawalayuukana chaa Europa oriental jee na chajanakana Rusia suulia sheemiajaain nanoula suʼunnaa süpülajüin noulia tü aküjaakat pütchi? 9) ¿Kasa naaʼinraka noʼutku wawalayuu süpüla noʼunüinjanain sünain tü outkajawaa miyoʼu apünüinkat kaʼi? ¿Jamüsü naaʼinraka tia na wawalayuukana? 10) Süka piʼrajüitpain peliikulakat tüü, 1)¿kasa paaʼinrüinjatka süpüla piʼyataain nümüin Jeʼwaa namaa na wawalayuukana? 2) ¿Kasa paaʼinrüinjatka süpüla pükaaliinjüin na wawalayuuka müliapa naya? 3) ¿Kasa waaʼinrüinjatka süpüla waküjüin pütchi waneepia? 11) Müleka pükaaliinjeere wanee wayuu sünain tü aküjaakat pütchi, ¿kasa paaʼinrüinjatka süka peliikulakat tüü?
Paaʼinwajiraashii waya namaa na wawalayuukana süka alin wapüla Jeʼwaa, müsüjeseʼe kamalain maʼin wamüin watüjaweein saaʼu nukuwaʼipa jee müsia wekirajüin nüchiki sümüin wayuu. Aishii wapüla na wayuu aikana nüpüla Jeʼwaa müsüjeseʼe wakaaliinjüin na wawalayuukana müliapa naya, wakaaliinjüin naya süka waaʼin wamüiwaʼa. Talatsü waaʼin nümaa Jeʼwaa sutuma paaʼinwajiraain waya namaa na wawalayuukana nutuma. Ayateena alin wapüla na wawalayuukana sümaʼinruʼu pejein süpüla najaʼlajeʼennenain na mojulaashiikana.