PÜTCHI 1
¿Paapüirü nüchiki chi Maleiwakai?
«Süpüla sütüjaainjatüin saaʼu tü wayuukalüirua sünain piain chi Miyoʼushikai saaʼu tü mmakat süpüshuaʼa, chi kanüliakai Jeʼwaa.»
(Salmo 83:18)
«Anakajaʼa jütüjaale saaʼu niain Maleiwain Jeʼwaa. Nia kakumajalaka waya otta nia laülaaka waaʼu.»
(Salmo 100:3)
«Taya chi kanüliakai Jeʼwaa. Tayoukta achikirü suʼwaajünüin wanaajiraa tamaa wanee maleiwayaasü akumajuushi sutuma wayuu.»
(Isaías 42:8)
«Süka ‹nuʼttaweechin chi wayuu eekai nuchuntüin nünülia Jeʼwaa›.»
(Romanos 10:13)
«Süpüla eeinjatüin wanee piichi, eeshi chi kakumalakai shia. Jee chi kakumalakai tü kasakalüirua süpüshuaʼa nia Maleiwa.»
(Hebreos 3:4)
«Jiirakaa iipünaamüin. ¿Jarai kakumalaka kasakalüirua tüü? Nia chi Eweetirakai shiairua sümaa yaawain nutuma. Kanüliajüsü shia nutuma süpüshuaʼaleʼeya. Sutuma pülashaatain maʼin nia, kottusü shia süpüshuaʼaleʼeya nutuma.»
(Isaías 40:26)