PÜTCHI 16
¿Kasa paaʼinrajatka süpüla nnojolinjachin püshapataain aaʼin?
«Piʼitaa naaʼu Jeʼwaa tü kasa jawatakat pümüin süpüla nükaaliinjüinjachin pia. Nnojoleechi niyüülajüin wanee wayuu eekai lotuin akuwaʼipa.»
(Salmo 55:22)
«Chi wayuu jülüjakai aaʼin palajana tü kasa naainjüinjatkat, aneerü sukuwaʼipa nutuma. Aluʼusaʼa chi wayuu ashapajaakai aaʼin sünain tü naainjüinjatkat, mojeerü sukuwaʼipa nutuma.»
(Proverbios 21:5)
«Nnojo piyoʼujaain aaʼin, anii taya pümaa. Nnojo shapaain paaʼin, taya chi Pümaleiwasekai. Shiimain katsüinjeerüin paaʼin tatuma. Shiimainshaata maʼin takaaliinjeechin pia. Ayateechi takaaliinjüin pia süka tü tajapü tekiakat.»
(Isaías 41:10)
«Jaʼitainna jia ashapataain aaʼin saaʼu tü alatakat jümüin, nnojoleena jia katüin oʼu wainma juya noulia na waneeinnua.»
(Mateo 6:27)
«Nnojo jüshapataain aaʼin saaʼu tü alateetkat wattaʼa. Süka jamüin, eejeerüin tü kasa shapaakalü atuma jaaʼin soʼu kaʼikat tia.»
(Mateo 6:34)
«[Jiyaawatüinjatü] saaʼu tü kasa anasükat.»
(Filipenses 1:10)
«Nnojo shapaain jaaʼin sooʼopünaa wanee kasa, juʼuraaja sooʼopünaa kasa süpüshuaʼa otta juchunta maʼin nümüin Maleiwa sümaa jaapüin analuʼut nümüin. Jimateetkalaka jaaʼin nutuma Maleiwa. Naaʼinmajeena jia nükajee Kürisüto Jesuu suulia shapaain jaaʼin otta süpüla jülüjüin jaaʼin kasa anasü.»
(Filipenses 4:6, 7)