¿Kasa shikirajaka tü Wiwüliakat?
¿Kasa wayuu chi Yolujaakai?
EESHII EEKAI NAMÜIN:
«Nia wanee meʼrujusai».
«Shia tü kasa mojusü jülüjakat waaʼin».
«Shikiiruʼujeejatü neʼe wayuu tia».
¿Jamajaʼa saaʼin pümüin?
TÜ SÜMAKAT TÜ WIWÜLIAKAT
Aashajaashi chi Yolujaakai nümaa Jesuu otta nuuʼulaküin naaʼin süpüla niyouktajaainjachin sümaa nünüiki Maleiwa (Mateo 4:1-4). Makalaka shiimain eein chi Yolujaakai otta mojulaashi maʼin nia, alawaa neʼe shikiiruʼujeejatüin wayuu jee shiain tü kasa mojusü jülüjakat waaʼin.
¿KASA MAA SÜKÜJAKA TÜ WIWÜLIAKAT?
Niapuʼushi wanee aapiee anamia paala nümaiwa chi Yolujaakai, shiasaʼa mapa, «niyouktüin tü shiimüinkat» (Juan 8:44). Alaa nia otta eʼrüijaashi wayumüin nümüin Maleiwa.
Eʼrüliijaashii wayumüin waneeinnua aapiee nümüin Maleiwa wanaa nümaa chi Yolujaakai (Alateetkat Mapeena 12:9).
Nimeejüin wayuu chi Yolujaakai süpüla nnojoluin sunoujain sünain eein nia (2 Corinto 4:3, 4).
¿Laülaashiche chi Yolujaakai saaʼu sukuwaʼipa wayuu?
NAASHIN WANEEINNUA WAYUU, alawaa neʼe tia. Eetaashii joo na mmotkana seema shikerotüin yolujaa naleʼeruʼu. ¿Jamajaʼa pünüiki süchiki tia?
TÜ SÜMAKAT TÜ WIWÜLIAKAT
«Tü wayuu manoujainsatkalüirua suluʼu mmakat süpüshua, nia aluwataaka saaʼu chi Yolujaakai» (1 Juan 5:19). Chi Yolujaakai sünainpünaashi wainma kasa saainjaka wayuu, nnojoipejeʼe laülaain nia saaʼu sukuwaʼipa wayuu süpüshuaʼa.
¿KASA MAA SÜKÜJAKA TÜ WIWÜLIAKAT?
Nimeejüin wayuu chi Yolujaakai shiiʼiree sunoujain sünain nünüiki (2 Corinto 11:14).
Eesü süpüla shikerojooin süleʼeruʼu wayuu tü yolujaakalüirua (Mateo 12:22).
Puchunta kaaliinwaa nümüin Maleiwa süpüla püʼleejüin chi Yolujaakai (Santiago 4:7).