Niale eein wapüla wanee jintüi

Niale eein wapüla wanee jintüi nipialuʼu, wasakira nia nünain nüshi jee nii. Waaʼinrüle tia, kojuteena naya wamüin (Pr 6:20). Nnojoliinjana waya ekerotuin müleka «pülata», nümüle wamüin wanee jintüi. Nnojoire wapüla nüshi jee nii, eeshii süpüla waleʼejüin wanee wakueena.

Miyoʼuchire chi jintüikai, wasakira nünain nüshi jee nii. Kupaale nüshi jee nii, eeshii süpüla wasakirüin naya müleka eere süpüla waapüin nümüin chi jintüikai wanee karaloukta. «Aa» namüle, waapa wanee karaloukta nümüin jee weeʼiyata nümüin jw.org.

Wouyantüle wachikuaʼa nünainmüin wanee jintüi achekaka tü pütchikat, eeshii süpüla wamüin nümüin weʼraajeein nüshi jee nii. Waaʼinrüle tia, waküjeerü nümüin nüshi jee nii kasain wantüin apüla nepialuʼumüin otta waküjeerü namüin aneerüin nakuwaʼipa sutuma tü sümakat tü Wiwüliakat (Sl 119:86, 138). Kojutüle wamüin nüshi jee nii wanee jintüi, aneerü pütchi nüchiki Jeʼwaa otta waküjeerü pütchi namüin (1Pe 2:12).