KOROLO KOJUTÜSÜ SULUʼUKA TÜ WIWÜLIAKAT | ISAÍAS 1-5
«Jooʼuya saaʼumüin nuʼuuchise Jeʼwaa»
2:2, 3
«Sajaʼttiamüin tia kaʼikat» |
Tia kaʼikat shia maaʼutpünaa. |
«Tü uuchi kaaʼukat nipia Jeʼwaa» |
Shia tü aʼwaajaa Jeʼwaa shiimainsükat. |
«Oʼunayaa meerü wayuu chamüin sainküinjee mmaka süpüshuaʼa» |
Paaʼinwajiraashii na a aʼwaajakana Jeʼwaa. |
«Jooʼuya saaʼumüin nuʼuuchise Jeʼwaa» |
Na aʼwaajakana Jeʼwaa nounejaain na waneeinnua süpüla noʼunüin namaa. |
«Niiʼiyateerü wamüin tü nüpünakat, woʼuneenaka suluʼupünaa» |
Sükajee tü Wiwüliakat, nikirajeena waya Jeʼwaa otta nükaaliinjeena waya süpüla waaʼinrüin tü nüchekakat. |
2:4
«Müinnia nnojoluin ekirajaain sünain atkawaa» |
Süpüla shiyaawatünüin aaʼu anamiainjanain na wayuu suluʼuinjanakana nupueulose Jeʼwaa, aʼwanajaainjatü naashin Isaías tü kasa natkaayakat paala, napünajiainjatü neʼe. ¿Jarat tia kasa natkaayakat soʼu nükalia Isaías? |
«Tü chajaruuta natkaayakat, shiʼicheerü tü aawajiakat mma» |
Tü aawajiakat mma süpüla pünajüt keʼichiwaisü shia kachueera (1Sa 13:20). |
«Tü jatü miyoʼuyuukat, noʼoyonoojieerü sütüna napünajüin» |
Tü oʼoyonoojiakat pünajüt, eesüjaʼa süpüla shiain wanee kachueera kasasü maʼin sümaa kasin shia. Oʼoyonoojiasü sütüna uuwa (Isa 18:5) |