JAYEECHI 32
Eeinjana waya nümaa Jehová
1. Nnojotpuʼusü waapüin nüchiki Jehová,
nnojotsü aküjünüin paala wamüin.
Waapüin analuʼut nümüin maaʼulu yaa
saaʼujee weʼraajüin Jehová.
(CORO)
Waainja tü nümakat maʼin wamüin Jehová.
Eeshi wamaa waneepia, eeshi maʼin nia wamaa.
Naashin maʼin Washikai, eejeerü maʼin anaa.
Jooʼuya maa waküjai tia sümüin wayuu.
2. Paaʼinwajiraashii waya maaʼulu yaa
otta waküjain nünüiki Jehová.
Anteerü nükalia Washikai Jehová,
woonoo waneepia nümaa.
(CORO)
Waainja tü nümakat maʼin wamüin Jehová.
Eeshi wamaa waneepia, eeshi maʼin nia wamaa.
Naashin maʼin Washikai, eejeerü maʼin anaa.
Jooʼuya maa waküjai tia sümüin wayuu.
3. Nnojo maʼin mmoluin waya maaʼulu yaa,
eeshi maʼin wamaa chi Washikai Jehová.
Meimmoluinjeerü waaʼin nutuma Jehová
jee naaʼinmajeena waya.
(CORO)
Waainja tü nümakat maʼin wamüin Jehová.
Eeshi wamaa waneepia, eeshi maʼin nia wamaa.
Naashin maʼin Washikai, eejeerü maʼin anaa.
Jooʼuya maa waküjai tia sümüin wayuu.
(Paashajeʼera Sal. 94:14; Prov. 3:5, 6; Heb. 13:5).