Aküjashii pütchi süʼütpaʼa Monrovia, chaa Liberia

Wanüikinjatka sünain aküjaa pütchi

●○○ SOʼU PALAJATKA PUKUA

Püsakira: ¿Eesüche süpüla sükaaliinjain waya tü Wiwüliakat jaʼitasü kakaliairüin shia?

Wetsiikulo: 2Ti 3:16, TNM

Pikirajüinjateetka anain: ¿Kasa saashajaakalü achiki tü Wiwüliakat?

○●○ PUUYANTAPA PÜCHIKUAʼA

Püsakira: ¿Kasa saashajaakalü achiki tü Wiwüliakat?

Wetsiikulo: Mt 6:10, TNM

Pikirajüinjateetka anain: ¿Kaseerü saaʼinrajatka tü nuluwataayakat Maleiwa?

○○● PIANTUAPA PUUYANTÜIN

Püsakira: ¿Kaseerü saaʼinrajatka tü Nuluwataayakat Maleiwa?

Wetsiikulo: Da 2:44

Pikirajüinjateetka anain: ¿Jamüinjatü tü mmakat sutuma Nuluwataayakat Maleiwa?

Soʼujee kashikat tüü, aʼwanajaainjatü sukuwaʼipa tü wanüikinjatkat sünain aküjaa pütchi. Mapüleechoinjatü jooluʼu tü sukuwaʼipainjatkat, eeinjatü wanee asakiraa, wanee wetsiikulo suluʼujee tü Wiwüliakat otta wanee asakiraa süpüla susoutunüin anain nuuyantapa nüchikuaʼa chi wawalakai. Eeʼiyatüneerü semaanawai wanee video sümaajatka tü wanüikinjatkat waküjapa pütchi. Eesü süpüla nüneeküin chi wawala aküjakai pütchi kasain nikirajüinjatüin aka, eeshi süpüla nüküjain pütchi süka soʼu tü palajatkat nukua jee shiale nuuyantapa nüchikuaʼa. Eeʼiyatüneerü suluʼu tü wekirajaayainjatü sünain tü outkajawaakat piamasü sukuwaʼipa süpüla wouyantüin wachikuaʼa sümaʼanamüin wayuu. Süka müitpain shia, mapüleejeerü wamüin wekirajüin «napüshuaʼa na kettaakana süpüla katüin noʼu waneepia» (Aluw 13: 48, TNM).

Na ekirajüinjanakana: Ayatüinjatü natuma na wawalayuu ekirajüinjanakana tü aküjünakat suluʼu Wanüikinjatka sünain aküjaa pütchi.