KOROLO KOJUTUSÜ SULUʼUKA TÜ WIWÜLIAKAT | MATEO 18, 19

Jalia waainjirayaai wayuu kasa mojusü

Kayaawasesü nünüiki Jesuu süpüla wayaawatüin saaʼu eejüinjatüin waaʼin suulia mojuin wakuwaʼipa jee suulia nüshanaain wanee wayuu sünainjee tü waaʼinrakat.

18:6, 7, TNM

Tü pütchi «ashanawaa», nia saashajaaka achiki wanee wayuu kaainjalakai sünainjee wanee kasa jooka apüla nia.
Anashi numuttule wanee wayuu shirokumüin palaa sünain kanutpünaain nia wane ipa miyoʼu, suulialeʼeya süshanaain wayuu nutuma.

Wanee püliikü ayüüjaakai süka wanee ipa miyoʼu otta wane wayuu amuttakai shirokumüin palaa sümaa kanutpünaain nia wane ipa miyoʼu — Ipa ayüüjaaya

18:8, 9, TNM

Naashin Jesuu anashi niyuʼrule noʼu wanee wayuu jee nüshottüle najapü suulia kaainjalain nia sünainjee.
Anasüjeʼe shiale amüloulin woulia wanee kasa eekai müin aka saaʼin tia, suulia mekerotuin waya suluʼumüin Nuluwataaya Maleiwa jee shiain wekerotüin aluʼumüin tü Gehenakat. Tia, shiyaawase sajaʼttinnüin wayuu süpüla kaʼi süpüshuaʼa.

¿Kasa eeka süpüla tashanaain atuma sünain anouja? ¿Kasa eeka süpüla taaʼinrüin suulia mojuin takuwaʼipa jee suulia kaainjalain wanee wayuu sünainjee tü taaʼinrakat?