Wekirajaainjatka anain sünain tü outkajawaakat Wakuwaʼipa otta Waʼyataain nümüin Maleiwa
MAAYOʼU 7-13
KOROLO KOJUTUSÜ SULUʼUKA TÜ WIWÜLIAKAT | MARCOS 7, 8
«Chi wayuu eekai tamaweein, anakaja müleka nnojorüle naaʼinrüin tü nüchekakat neʼe nümüiwa»
nwtsty-E pütchi suluʼujeejatü tü Wiwüliakat süchiki Mr 8:34
anakaja müleka nnojorule naaʼinrüin tü nüchekakat neʼe nümüiwa: Eesü süpüla müin sülatiria mayaa: «nnojo paaʼinrüin tü eekat süpüla paaʼinrüin». Tia maluʼulu wayoutajatüin süchiki waaʼinrüin tü wachekakat waaʼin wamüiwaʼa jee niainjachi walaamainka Jeʼwaa. Tü pütchi suluʼukat griego eesü süpüla müin sülatiria mayaa: «nnojo, majiraainjachi wanee wayuu nümüinjiraa», niyoutajatü wanee kasa naainjeeka amüin, tü nüsaʼwateekat jee tü kamalainkat nümüin (2Co 5:14, 15). Akaʼaya Marcos nüshajüin tia pütchi suluʼukat griego süpüla nüküjain naattajaain Pedro nüchiki Jesuu (Mr 14:30, 31, 72).
w92-S 1/8 süp. 17 püt. 14
¿Jamüsü pukuwaʼipa süpüla puuntüin katüin poʼu waneepia?
14 Aashajaashi Jesuu namüin na nikirajüinkana jee namüin waneinnua wayuu, nümaka namüin: «Chi wayuu eekai tamaweein, anakaja müleka nnojorule naaʼinrüin tü nüchekakat neʼe nümüiwa. Shia anaka aluʼu müleka naaʼinrüle waneepia [...] tanüiki («niyoutajatü naaʼinrüin tü nüchekakat naaʼinrüin» La Nueva Biblia, Latinoamérica)» (Marcos 8:34).
(Marcos 8:35-37, TNM) Chi eekai kateein oʼu, amülouijeechi, oʼttaajeechipajaʼa chi eekai outuin saaliijee nüküjain tachiki otta süchiki tü pütchi anasükat. 36 ¿Kasa payalaka aluʼu nümüin wanee wayuu anain nüsha sümüin wayuu süpüshuaʼa jee outuin nia saaliijee tia? 37 ¿Kaseetche naapaka maʼin wanee wayuu shiiʼiree kateein noʼu?
w08-S 15/10 süp. 25, 26 püt. 3, 4
¿Kasa paaʼinrajatka süpüla katüin poʼu waneepia?
3 Asakitshi Jesuu soʼu tia süchiki piamasü kasa, müshi nia: «¿Kasa payalaka aluʼu nümüin wanee wayuu anain nüsha sümüin wayuu süpüshuaʼa jee outuin nia saaliijee tia? ¿Kaseetche naapaka maʼin wanee wayuu shiiʼiree kateein noʼu?» (Mar. 8:36, 37, TNM). Eeshii wayuu makana anüiki nasoutapa shiʼipajee tü palajatkat kasa nüsakiraka anain Jesuu: «Nnojotsü kasain saamüin nümüin wanee wayuu anain nüsha sümüin wayuu süpüshuaʼa saaʼujee kateein noʼu sutuma kachiiruain naaʼin washirüü, süka shiain anain aluʼu tü washirüükat müleka katüle noʼu wayuu süpüla niainjachin talatüin aaʼin sümaa». Wanaa sümaa nümüin Jesuu sünain asakiraa: «¿Kaseetche naapaka maʼin wanee wayuu shiiʼiree kateein noʼu?», eesüjaʼa sotojoole naaʼin na aapajakana nünüiki tü nümakat Satanaa soʼu nükalia Job: «Naapeerü chi wayuukai süpüshuaʼa tü kasa nümaʼanakat süpüla katüin noʼu» (Job 2:4). Wainma wayuu manoujainkana nünain Jeʼwaa anashiikana amüin tü nümakat Satanaa, süka naaʼinrüin kasa eekai eein shiiʼiree kateein noʼu jaʼitasü yarüttüin nakuwaʼipa. Nnojotpejeʼe müin wanüiki wayakana anoujashiikana.
4 Watüjaa aaʼu nnojoluin nüntüin Jesuu mmapaʼamüin süpüla anainjanain waya suulia ayuulii, kanneetseinjanain waya jee kakaliainjanain waya naʼaka na manoujainsaliikana. Antüshi nia süpüla kepiainjanain waya waneepia suluʼu wanee mma anasü, kojutuleesia maʼin tia wamüin (Juan 3:16). Makalaka niyaawatüin saaʼu wanee anoujashi jamaluʼuluin tü nüsakirakalü anain Jesuu, eesüjaʼa maluʼurüle shia nücheʼeruʼu: «¿Kasa payalaka aluʼu nümüin wanee wayuu anain nüsha sümüin wayuu süpüshuaʼa jee nnojoluin katüin noʼu waneepia saaliijee naaʼinrüin tia?». Nnojotsü kasain saamüin nümüin tia (1 Juan 2:15-17). Eesü süpüla müin sukuwaʼipa watuma tü wane nüsakirakalü anain Jesuu: «¿Kasa tapütaka süpüleerua kepiain taya suluʼu wanee mma anasü?». Atüjaana aaʼu susoutia tia sükajee tü wakuwaʼipakat, weeʼiyatüin sükajee tia pansaale maʼin wamüin tü kasa waʼatapajakat (anasü paashajeʼerüle Juan 12:25).
jy-S süp. 143 püt. 4
¿Jarai chi Shipayakai Wayuu?
Süpüla talatajachin Jesuu namaa na nikirajüinkana, meimmoluinjana naya otta nnojoluinjatü naaʼinrüin tü keeʼireekat naaʼin namüiwaʼa. Müshi Jesuu: «shiimüin sünain kaainjalain wayuu süpüshua je sünain shiyouktüin Maleiwa. Aluʼujasa soʼu chi kaʼi taleʼejeechikai oʼu tayakai, chi Shipayakai Wayuu, chajee eejee chi Tashikai Maleiwa, warattuuleerü tü mmakat, süka eeinjanain na aapiee nümaʼanajeejanakana Maleiwa tamaa. Je chi eekai nnojolin jamajachin taya nümüin maaʼulu yaa, chi eekai japülin süka tanüiki, nnojoleechi jamajachin tamüʼinya soʼu kaʼikat tia» (Marcos 8:38). Anuu tü naaʼinrajatkat Jesuu naashin: «Anteechi taya süpüla tawalaajeerüin waneʼewai sükua tü wayuukolüirua saaʼu süpüshua tü kasa saaʼinrapüʼükat, maa aka na aaʼinrakana kasa anasü, otta na aaʼinrakana kasa mojusü» (Mateo 16:27).
Püchajaa süchiki kaaʼürüi suluʼu tü Wiwüliakat
w00-S 15/2 süp. 17, 18 püt. 9-11
¿Jülüjasü waaʼin tü jülüjakat naaʼin Kürisüto?
9 Macheʼesai chi wayuukai jee isasü nüchiki aashajawaa. Eesüjaʼa niʼrüle Jesuu japülin chia wayuukai eekalaka wanee kasa naainjaka Jesuu. Nümaashi nia wattaluʼu suulia wayuu. Nüküjaka nümüin süka najapü kasain naaʼinrajatüin nüka. «Niʼitaakalaka nejepira suluʼu nücheʼe chi wayuukai. Nejetakalaka saaʼu nejepira sünain nushulerüin sünain niyee chi wayuukai» (Marcos 7:33). Süchikijee tia, niirakaaka Jesuu iipünaamüin sümaa nüsanalüin naaʼin. Sükajee naaʼinrüin tia, niyaawata aaʼu chi wayuukai sükajeejatüin nüpülain Maleiwa tü naaʼinrajatkat Jesuu nüpüleerua. Nümakalaka Jesuu nümüin: «Jutata mata pücheʼe» (Marcos 7:34). Wanaa maʼin sümaa tia, aapatüjüʼiya jee anaʼleesia naashajaaya chia wayuukai.
10 Kamaneeshi maʼin Jesuu sümüin wayuu otta amülialaasü naaʼin saaliijee wayuu. Müshijeʼe müin chia wayuukai nutuma Jesuu. Anashii washatüle nukuwaʼipa Jesuu waya anoujashiikana, kamaneeinjana waya otta amülialaainjatü waaʼin saaliijee wayuu. Anuu sünüiki tü Wiwüliakat: «Tasoʼira aaʼinchii paala jia jüpüshua süpüla jiajiraainjanain sümaa jümüliajiraain. Ai jüpülajiraa maa aka naaʼin wane wayuu sünain alin nüpüla nuwala, sümaa kamaneejiraain jia jümüin, nnojoliijana jia pülajiraain aaʼin» (1 Pedro 3:8). Waaʼinrajatü tü münakat yaʼayaa, wanaa sümaa waashajaain sümaa wayuu otta waaʼinrapa wanee kasa.
11 Kojutuinjana na wawalayuukana wamüin wanaa sümaa waashajaain namaa otta waaʼinrajatü tü anasükat namüin maʼaka wacheküin saaʼinrünüin tü anasükat wamüin (Mateo 7:12). Makalaka jülüjainjatüin waaʼin tü wamakat suulia airuʼuluin shia sümüin wayuu (Colosas 4:6). Soto waaʼin müin wasotokai saaʼin wayuu süka shiʼichi chajaruuta müleka mayaawajaainre waya saaʼu nünüiki (Proverbios 12:18). ¿Jamüinjatü nukuwaʼipa wanee wayuu sümaa nuʼwayuuse? Shiimainre alin nüpüla nuʼwayuuse, jülüjainjatü naaʼin kasain alin sümüin nuʼwayuuse, akaʼaya tü jietkat müinjatü sukuwaʼipa (Éfeso 5:33). Nnojotsü airuʼuluin nünüiki, nnojotsü mojuin nukuwaʼipa otta nnojotsü alin nimeeʼerain, süka kapüleein maʼin sümüin wayuu motuin saaʼin tü aikat sümüin. Akaʼaya na tepichikana, eesü tü aikat namüin, jülüjainjatü naaʼin tia wanee wayuu aikai apüla nüchonnii. Choʼujaale nüchiaanüin wanee jintüi, achiaanüshi nia sümaa kojutuin nia atumawaa jee nnojoishi nia eʼrüin japülii (Colosas 3:21). Jülüjale waaʼin nakuwaʼipa na waneinnua, weeʼiyatüin jülüjain waaʼin tü jülüjakat naaʼin Kürisüto.
MAAYOʼU 14-20
KOROLO KOJUTUSÜ SULUʼUKA TÜ WIWÜLIAKAT | MARCOS 9, 10
«Achecheraasü wanoula sutuma tü neʼrakat na nikirajüinkana Jesuu»
(Marcos 9:1, TNM) Jee ayatakaʼaya nümüin namüin: «Shiimain tanüiki jümüin: Eeshii waneinnua jaʼakajee jiakana yaashiikana shaʼwatüin, nnojoleenaka outuin süpülaleʼeya neʼrüin tü nuluwataaya Maleiwa suluʼu nüpülain».
w05-S 15/1 süp. 12 püt. 9, 10
Kürisüto: chi ekeraajakai anain nünüiki Maleiwa
9 Alatüirü suulia wanee juya süchikijee niiʼiyatüin Jesuu niain chi Mesíaskai otta aainjünüsü tü miʼiraa kanüliakat Pascua soʼu juyakat 32 Sü.W. Wainma na wayuu akatalaakana nuulia Jesuu sükajee napüleeruaanüin aaʼin, kachiiruain naaʼin washirüü jee sutuma shapaain naaʼin saaʼujee tü choʼujaakat namüin. Eeshii na mayaawatüinkana saaʼu wanee kasa jee eesü mojule naaʼin saaʼujee niyoutuin Jesuu niainjachin aluwataain naaʼu. Otta müshia Jesuu nnojotsü naaʼinrüin tü nachuntakat nekiipüʼü na judíokana, eeinjatüin wanee kasa pülasü chejee sirumatuʼujee nutuma (Mateo 12:38, 39). Eesüjaʼa mojushiire tia namüin waneinnua wayuu. Otta müshia Jesuu, nüküjain namüin na nikirajüinkana nuʼunajachin Jerusalénmüin süpüla müliainjachin nia natuma na laülaayuushiikana ooʼulaka natuma na laülaayuushiikana naʼakajee na sacerdootekana ooʼulaka na karaloʼutamaajanakana jee oʼutinnajachi aaʼin nia (Mateo 16:21-23).
10 Nütüjaa aaʼu Jesuu nuʼuneechin eemüin chi Nüshikai soʼu 9 kashi jee 10 kashi shiale (Juan 13:1). Sutuma jülüjain naaʼin na nikirajüinkana, nüküjain namüin neʼrüinjatüin nutuma wanee kasa anashaatasü maʼin, tü nnojotka niiʼiyatüin namüin na judío nnojoliikana jaa müin. Müshi nia: «Anaʼaya juʼutku jia yaakana maaʼulu yaa nnojoleenakana ouktüin süpülapünaa neʼrüin tayakai chi Shipayakai Wayuu sünain oʼttaa sünain aluwatawaa» (Mateo 16:28). Nnojotsü shiain nüküjeein Jesuu katüinjatüin noʼu waneinnua nikirajüin soʼu juyakat 1914. Tü naainjakat shia nuunejaain apünüinshii nikirajüin süpüla neʼrüin jamüinjatüin nukuwaʼipa Jesuu niapa wanee Aluwataai, shiiʼiranajaaka nukuwaʼipa noʼupala.
w05-S 15/1 süp. 12 püt. 11
Kürisüto: chi ekeraajakai anain nünüiki Maleiwa
11 Aipirua kaʼi süchikijee tia nümaanaka Pedro, Santiago otta Juan nutuma Jesuu saaʼumüin wanee uuchi miyoʼu, eesüjaʼa shiale süʼütpünaa tü kanüliakat monte Hermón. Shiasaʼa chapa naya nümaa, eeʼiranajaasü nukuwaʼipa Jesuu noʼupala, «chuwatsü maʼi nuʼupünaa maa aka naaʼin chi kaʼikai. Otta nüsheʼin, jorojorotsü maʼi, eweenaa müshia yaa noʼupala piamashii wayuu sünain naashajaain nümaa Jesuu, nia Moisés ooʼulaka Elías na nünüikimaajanakana Maleiwa paala sümaiwa» jee naashajaaka nümaa Jesuu. Eesüjaʼa aipaʼajatüle tia, müsüjeseʼe anashaatain shiyolojo tü kasa alatakat. Müsü aka shiimainkai saaʼin tia, müshijeseʼe nümüin Pedro niʼitaainjatüin apünüinsü luma, wanee nümüin Jesuu, nümüin Moisés otta wane nümüin Elías. Yalaiwaʼaya naashajaain Pedro eejaaka wanee siruma jorottusü, saapünaka wanee pütchi sünain maa: «Anii chi Tachonkai aishikai tapüla. Talatüshi maʼi taya nümaa. Jüüjüü jümata sümüin nünüiki» (Mateo 17:1-6).
nwtsty-E pütchi suluʼujeejatü tü Wiwüliakat süchiki Mr 9:7
wane pütchi: Suluʼu tü kanüliakat Evangelio, apünüintua naashajaain namüin na wayuukana, tü ashajünakat yaa shia tü piantuakat (Mr 1:11; Jn 12:28).
Püchajaa süchiki kaaʼürüi suluʼu tü Wiwüliakat
w08-S 15/2 süp. 30 püt. 8
Pütchi anaka maʼin sünainjee tü karaloʼutakat Marcos
Marcos 10:6-9. Shia keeʼireeka naaʼin chi Maleiwakai waneepiain wanee wayuu sümaa tü nuʼwayuusekat. Nnojotsü nuuʼulaamaatüinjatüin wanee wayuu tü nuʼwayuusekat müleka mojujiraale naya, nachajaainjatü sukuwaʼipa süpüla nanouteʼerüin wanee mojujirawaa wanaapünaa sümaa tü sümakat tü Wiwüliakat (Mat. 19:4-6).
nwtsty-E pütchi suluʼujeejatü tü Wiwüliakat süchiki Mr 10:17, 18
pia anamiakai: Nünüiki neʼe tia chia wayuukai nümüin Jesuu shiiʼiree nuʼwaajeein nia. Anapuʼusü maʼin namüin na laülaashiikana napüleerua na judíokana müle pütchi namüin. Mayaapejeʼe nnojoluin niyoutuin Jesuu «Ekirajüikalee» jee «Senyotkalee» nümünüin (Jn 13:13), nia nuʼwaajakai waneepia Jeʼwaa.
Waneeshia Maleiwa niain anamiain: Sükajee pütchikat tüü, shia nüküjeeka achiki Jesuu, niain neʼe Jeʼwaa atüjaakai saaʼu kasain wayuu tü anakat nümüin otta naaʼinrüin tia süka niain Miyoʼushin saaʼu kasaka süpüshuaʼa. Wanaa sümaa nnojoluin jaa namüin Adán otta Eewaa sümüin tü nuluwataakalü anain Jeʼwaa, eʼrüijaashii naya wayumüin otta müshii nayakai atüjaain nuulia Maleiwa kasain wayuu tü anakat süpüla naaʼinrüinjatüin shia. Naatapejeʼe maʼin nukuwaʼipa Jesuu, nnojotsü yaletüin naaʼin otta nuuʼulaain niainjachin Jeʼwaa aküjain kasain wayuu tü anakat süpüla saaʼinrüinjatüin shia wayuu. Nüküjain Jeʼwaa wamüin suluʼu tü Wiwüliakat tü anakat süpüla waaʼinrajatüin (Mr 10:19).
MAAYOʼU 21-27
KOROLO KOJUTUSÜ SULUʼUKA TÜ WIWÜLIAKAT | MARCOS 11, 12
«Alanaʼaleesia maʼin tü shijitakat»
nwtsty-E pütchi suluʼujeejatü tü Wiwüliakat süchiki Mr 12:41, 42
tü kojon ejitünakat aluʼu [...] neerü: Eesü waneirua karaloʼuta nashajala na judíokana, aküjaka müin aka saaʼin konneeta jee suʼuwa paaʼa tü kojon ejitünakalü aluʼu nneerü, joʼuuchon shiimata iipünaa sünain. Ejitawaishii nneerü na wayuukana suluʼu süpüla kojuyasü kasa. Tü pütchikat griego eʼitaanakat sünain wetsiikulokot tüü, shia neʼe tü eʼitaanakat suluʼu Juan 8:20, eere sülatinnüin süka «tü kojon ejitünakat aluʼu nneerü». Tia pütchikat aashajaasü süchiki tü kanüliakat atrio de las mujeres (paashajeʼera sgd-S, shiʼipa 15). Saashin waneinnua karaloʼuta nashajala na ekirajüliikana na judíokana, eejatü 13 kojonchein suluʼupünaa tü kanüliakat atrio. Eesüjaʼa eejatüle suluʼu tü aʼwaajüleekat wanee paü eere sünaajaanüin tü nneerü ejitünakat suluʼu tü kojonkot.
piamasü neerü: «Piamasü leptón» maluʼulu tia, shia saashajaaka achiki wanee kasa joʼuuchon otta pasanuasü. Aainjuushi süka cobre jee bronce tü leptónkot eepuʼuka chaa Israel soʼu nükalia Jesuu, joʼuuchon maʼin shia (1 denario = 128 leptón) (paashajeʼera sgd-S, ekirajaaya 18).
kachueerachen neʼe: «Wanee cuadrante», maluʼulu tia. Tü pütchikat griego kodrántes, (quadrans suluʼu latín) shia saashajaaka achiki wanee nneerü namaʼanapuʼuka na romaanokana aainjuushika süka cobre jee bronce shiale (1 denario = 64 cuadrante). Sünain wetsiikulokot tüü, aashajaashi Marcos süchiki nanneetse na romaanokana süpüla niiʼiyatüin jetsüin sujutü nanneetse na judíokana (paashajeʼera sgd-S, ekirajaaya 18).
w97-S 15/10 süp. 16, 17 püt. 16, 17
Kojutusü nümüin Jeʼwaa tü waʼyataainkat süka süpüshuaʼa waaʼin
16 Maʼaka jeʼra kaʼi mapa, soʼu 11 sükalia kashika Nisán, kamaʼashi Jesuu suluʼu tü aʼwaajüleekat, eere nümünüin amüin nnojoluin anain nia süpüla aluwatawaa, jee asoutushi nia namüin na asakirakana sünain tü nneerü awalaajünüinjatkat, asoutushi namüin na asakirakana sünain tü asoʼirawaakat aaʼin jee waneirua kasa. Nüküjain mojuin tü naaʼinrakat na karaloʼutamaajanakana otta na fariseokana saaʼujee nasütüin tü kasa eekat sümaʼana wanee wayuu eekai outuin aʼwayuuse (Marcos 12:40). Nüikalaaka Jesuu mapa eeka tü kanüliakat atrio de las mujeres, eere eejatüin 13 kojonchon ejitünaka aluʼu nneerü naashin na judíokana. Aikalaashi nia sünain eʼrajaa nakua na wayuukana sünain ejitaa süpüshi nanneetse. Wainma wayuu washinnuu antakana süpüla tia, eeshiijaʼa yaletüle naaʼin jee naʼwaataale saaʼu washinnuuin naya (anasü paashajeʼerüle Mateo 6:2). Niirakaaka Jesuu sümüin wanee wayuu. Nnojotsüjeʼe jamajatüin sümüin wayuu tü saaʼinrakat tia jietkat sünain shijitüin sünneetse. Nütüjaapejeʼe saaʼu Jesuu wayuuin müliasü shia sümaa outuin suʼwayuuse, nütüja aaʼu tia süka niʼraajüin kasain suluʼu saaʼin wanee wayuu. Jee nütüja aaʼu jeʼrain tü nneerü shijitakat: «piamasü neerü kachueerachen neʼe» (Marcos 12:41, 42).
17 Neenajaka Jesuu na nikirajüinkana süpüla naapüinjatüin tü nikirajaakalü anain naya. Nümaka namüin: «Alanaʼaleesia maʼi nümüin Maleiwa tü shijitakat tü wayuukot oukta aʼwayuusetkat suulialeʼeya tü shijitakat tü wayuukolüirua süpüshua». Naashin Jesuu alanaʼaleesia tü süsülajakat tia wayuukot. «Shijitüin süpüshua tü sünneetse sümaʼanajatkat», sütüja aaʼu nnojoleerüin niyüülajüin shia Jeʼwaa. Makalaka shiʼitaanüin tü saainjakat tia wayuukot, süpüla washatüin sukuwaʼipa jaʼitasü paliʼirüin tü wasülajakat nümüin Maleiwa. Kojutushaatapejeʼe shia nümüin Jeʼwaa (Marcos 12:43, 44; Santiago 1:27).
w97-S 15/10 süp. 17 püt. 17
Kojutusü nümüin Jeʼwaa tü waʼyataainkat süka süpüshuaʼa waaʼin
17 Neenajaka Jesuu na nikirajüinkana süpüla naapüinjatüin tü nikirajaakalü anain naya. Nümaka namüin: «Alanaʼaleesia maʼi nümüin Maleiwa tü shijitakat tü wayuukot oukta aʼwayuusetkat suulialeʼeya tü shijitakat tü wayuukolüirua süpüshua». Naashin Jesuu alanaʼaleesia tü süsülajakat tia wayuukot. «Shijitüin süpüshua tü sünneetse sümaʼanajatkat», sütüja aaʼu nnojoleerüin niyüülajüin shia Jeʼwaa. Makalaka shiʼitaanüin tü saainjakat tia wayuukot, süpüla washatüin sukuwaʼipa jaʼitasü paliʼirüin tü wasülajakat nümüin Maleiwa. Kojutushaatapejeʼe shia nümüin Jeʼwaa (Marcos 12:43, 44; Santiago 1:27).
w87-S 1/12 süp. 30 püt. 1
¿Asülajüshi süka süpüshuaʼa paaʼin?
Watta saalii kasa watüjaka sünainjee pütchikat tüü. Shia alanaʼaleeka maʼin waapüin nümüin Jeʼwaa tü kasa kojutukat maʼin wamüin, nnojotsü shiainjatüin tü apütakat neʼe wapüla, kojutushaatasü maʼin tia nümüin Jeʼwaa. Wasakira waaʼin: ¿shiache waapaka nümüin Jeʼwaa wanee kasa nnojoleetka alin wamüin waapüle shia? ¿Shiataapa waapüin süka süpüshuaʼa waaʼin tü choʼujaweetkat wamüin?
cl-S süp. 185 püt. 15
Jaʼyashi kekiin Maleiwa sükajee sünüiki tü Wiwüliakat
15 ¿Aashin anain maʼin süshajünüin suluʼu tü Wiwüliakat süchiki tü wayuu outaka aʼwayuuse eejatka suluʼu tü aʼwaajüleekat soʼu kaʼikat tia? Niiʼiyatüin Jeʼwaa sükajee tia kojutuin nümüin tü wasülajakat, talatüshi nia sümaa otta nuʼwanaajireʼerüin shia sümaa tü nasülajakat na waneinnua. Shiimainshaata sümaa sukuwaʼipa wekirajia nutuma Jeʼwaa sükajee tü saaʼinrakat tü wayuu outakat aʼwayuuse.
Püchajaa süchiki kaaʼürüi suluʼu tü Wiwüliakat
nwtsty-E pütchi suluʼujeejatü tü Wiwüliakat süchiki Mr 11:17
nachuntiajatü na tapüshikana tamüin sainküinjee mmakat süpüshua: Naʼakajee na ashajakana tü kanüliakat evangelio aküjaka süchiki tü sümakat Isaías 56:7, nia neʼe Marcos ashajaka tü pütchikat wayuu «sainküinjee mmakat süpüshua» (Mt 21:13; Lu 19:46). Chainjana na israeliitakana otta na wayuu nnojoliikana judíoin sünain oʼuraajaa nümüin Jeʼwaa otta naʼwaajüinjachi nia suluʼu tü aʼwaajüleekat (1Re 8:41-43). Shiajaʼa jashichika Jesuu namüin na judío oikaakana kasa suluʼu tü aʼwaajüleekat jee shipiasü shia natuma wayuu kaʼruwarannuu. Nnojoishii oʼunüin na wayuukana sainküinjee tü mmakat suluʼumüin nipia Jeʼwaa sünain aʼwaajaa nia sutuma müin nakuwaʼipa na oikaaliikana.
(Marcos 11:27, 28, TNM) Nantakalaka nachikuaʼa Jerusalénmüin. Shiasaʼa wanaa sümaa nawaraijaain suluʼupünaa tü aʼwaajüleekat Maleiwa, narütkaakalaka nekiipüʼü na sacerdootekana otta na karaloʼutamaajanakana namaʼaleʼeya na laülaashiikana 28 namaka nümüin: «¿Jara kaluwataalaka pia sünain aaʼinraa kasakalüirua tüü? ¿Jara koonoloko pia süpüla müinjatüin tü kasa paaʼinrakat?»
jy-S süp. 244 püt. 7
Ekirajünüshii waya sükajee wanee higuera süpüla anain wanoula
Maʼaka jeʼra kaʼi mapa, antüshi Jesuu namaa na nikirajüinkana chamüin Jerusalénmüin. Nuʼunakalaka Jesuu suluʼumüin tü aʼwaajüleekat sünain ekirajaa maʼakaapuʼu naaʼinrüin shia. Wanee kaʼi paala nüjünajaain na oikaaliikana, eesüjaʼa shiale nasakirüin anainjee nia na laülaashiikana napüleerua na judíokana sünain maa: «¿Jara kaluwataalaka pia sünain aaʼinraa kasakalüirua tüü? ¿Jara koonoloko pia süpüla müinjatüin tü kasa paaʼinrakat?» (Marcos 11:28, TNM).
MAAYOʼU 28–JUUNIOʼU 3
KOROLO KOJUTUSÜ SULUʼUKA TÜ WIWÜLIAKAT | MARCOS 13, 14
«Nnojo jiimolojooin aaʼin»
it-2-S pág. 624 párr. 2
Pedro
Wanaa sümaa nantüin Pedro soʼuluʼumüin nipia chi laülaashikai napüleerua na sacerdootekana, eejachi wanee naʼakajee na aluwataaushiikana akaaliinjaka nia süpüla nikerotüinjachin suluʼumüin süpaatiase tia miichikat. (Jn 18:15, 16.) Nnojoitpajaʼa nia makatüin eere piyuushin, arütkaashi nia sünain aatulajaa namaa waneinnua wayuu, jayasü nuʼupünaa Pedro sutuma suwarala tü sikikat, niyaawatünaka aaʼu, otta sutuma naashajaala ayaawatüna aaʼu sünain galileajeʼewai nia. Niasaʼa Pedro, sutuma nütüjaanüin aaʼu sünain nümaajachin nia Jesuu, naattajaakalaka nia apünüintua naaʼu Jesuu. «Taküjüin jümüin nuʼupala Maleiwa sünain nnojolin teʼraajüin chira wayuukai» mataashi joo nia, akootoleʼera müshia wane kaliina, wanaa maʼin sümaa tia, nujununtaakalaka Jesuu sünain niirakaain nümüin Pedro. Mojukalaka maʼin naaʼin Pedro, ojuʼitaa müshiijaʼa nia anooipaʼamüin sünain niʼyalajashaanain maʼin saaliijee tü naaʼinrakat. (Mt 26:69-75; Mr 14:66-72; Lu 22:54-62; Jn 18:17, 18; paashajeʼera CANTO DEL GALLO; JURAMENTO.) Sutuma nuchuntuin maʼin Jesuu paala nüpüleerua Pedro, nnojotsü eemiajaain tü nunoulakat sutuma tü alatakat. (Lu 22:31, 32.)
Püchajaa süchiki kaaʼürüi suluʼu tü Wiwüliakat
w08-S 15/2 süp. 30 püt. 6
Pütchi anaka maʼin sünainjee tü karaloʼutakat Marcos
14:51, 52. ¿Jaraiche chi jimaʼai aʼluwataakai sümaa masheʼinyüin? Nia neʼe Marcos aashajaakai süchiki tia, makalaka eein süpüla niain neʼe niakai chi naashajaakai achiki.
jy-S süp. 287 püt. 5
Eʼikajaanüshi nümüin Anás otta süchikijee nümaʼanamüin Caifás
Nütüjaa aaʼu alin namüin na judíokana «nüchon taya Maleiwa», nümüle wanee wayuu. Jamüsüjaʼa wanaa sümaa nüküjain Jesuu niain Maleiwa chi Nüshikai, oʼutunataaichije aaʼin natuma na judíokana, süka meein aka nia naaʼin Maleiwa naashin (Juan 5:17, 18; 10:31-39). Shiasaʼa sutuma nütüjaain saaʼu Caifás tü jülüjakat naaʼin, nümakalaka nümüin Jesuu: «Tachuntüin jooluʼu pümüin sünain püküjainjatüin wamüin tü shiimüinkat nuʼupala chi Maleiwa matüjüinkai ouktaa. Tasakirüin paala pia: ¿Shiimüinjasa sünain piain Cristoin Nüneekajalakai Maleiwa? ¿Shiimüinjasa sünain piain chi Nüchonkai Maleiwa?» (Mateo 26:63). Nüküjatüjülia paala Jesuu niain Maleiwa chi Nüshikai (Juan 3:18; 5:25; 11:4). Jee naattajaale süchiki tia, alawaajaʼa mata niain chi Kürisütokai otta niain chi Nüchonkai Maleiwa. Anuujeseʼe nünüiki nümüin: «Aa, shiimüin sünain tayain maa aka tü pümakat. Tamüshii paala jia jüpüshua: Soʼuweena wane kaʼi, jiʼreechi taya, chi Shipayakai Wayuu, sünain joyotüin taya nikialuʼujee Maleiwa chi Pülashikai maʼi saaʼu kojutüin taya nütüma. Je jiʼreechi taya sünain tantüin mmoluʼumüin chajee nümaʼanajee Maleiwa saʼaka tü sirumakat» (Marcos 14:62).