Suʼttia tü shiʼipakat 13

Antüshi Jesús mmapaʼamüin süpüla naapajiraain nikii saaʼu saainjala wayuu. Niyamülüin Jesús tü kasa mojusükat mayaainjeʼe outuin nia. Waneepiashi Jehová nümaa chi Nüchonkai otta katüsü noʼu nüchikuaʼa nutuma. Yaaiwaʼaya Jesús yaa mmapaʼa, aʼyataashi maʼin nia napüleerua na wayuukana otta nülatirüin sooʼopünaa naaʼin tü naainjalakat. Süsoʼiraapa naaʼin Jesús, eeʼiyataashi nia namüin na nikirajüinkana otta nüküjain namüin tü naaʼinrajatkat süpüla nekeraajüin tü nuluwataakalü anain naya. Kachonle pia, pükaalinja naya süpüla kojutuinjatüin namüin tü aʼyatawaa aluwataanakalü anain waya maaʼulu yaa.