Niiʼiyatüin Maleiwa sünain alin waya nüpüla

5:8, 18; 5:21, TNM

Sünainjee naakajirüin waya Jeʼwaa nükajee Jesuu, ayaawatünüitpa aaʼu jaralin chi anakai süpüla aluwatawaa saaʼu kasa süpüshuaʼa otta wulesü tü nünüliakat. Jee müsia eeitpa süpüla lotuin wakuwaʼipa noʼuluʼu Jeʼwaa. Akaʼaya na wayuu oonookana nümaa Maleiwa, eejeena süpüla kaʼikat süpüshuaʼa suluʼu tü paʼaraiisükat sümaa talateerüin maʼin naaʼin.

¿Kasa waaʼinrajatka süpüla weeʼiyatüin kojutuin wamüin naapajiraain nikii Jesuu waaʼu?

• 

  Waapüinjatü waaʼin nümüin Jeʼwaa otta woutiisainjana waya. Sükajee tia, weeʼiyatüin kanoulain waya sünain naapajiraain nikii Jesuu waaʼu otta nümaajanain waya Jeʼwaa.

• 

  Aküjainjana waya pütchi süchiki tü sukuwaʼipakat Nuluwataaya Maleiwa. Müle shia watuma, weeʼiyateerü alin maʼin wapüla wayuu maʼaka alin naya nüpüla Jeʼwaa (Mt 22:39; Jn 3:16).

Saaʼu naapajiraain nikii Jesuu taaʼu, ¿kasa amaa eeka süpüla teeʼiyatüin akajee kojutuin tamüin tü naainjakat Jeʼwaa tapüleerua?