Semaana oʼttaka juulioʼu 15

SEMAANA OʼTTAKA JUULIOʼU 15

Jayeechi 31 otta oʼuraajaa

□ Ekirajawaa sünain tü Wiwüliakat namaa na Wawalayuukana

bh ekir. 16 püt. 1-8 (30 min.)

□ Ekirajawaa süpüla Aküjaa Pütchi

Aashajeʼennajatü 2 Juan, 3 Juan otta Judas (10 min.)

Püt. 1: 3 Juan 1-10 (4 min. jee paliʼirüle)

Püt. 2: ¿Kasa naainjüinjatka na asoʼiraainjanakana aaʼin sirumatuʼu? (ds süp. 24 asak. 33)

Püt. 3: ¿Kasa waaʼinrüinjatka süpüla jülüjüin waaʼin tü nüchekakat chi naaʼinkai Maleiwa? (Roma 8:6) (5 min.)

□ Outkajawaa süpüla Aʼyatawaa nümüin Maleiwa

Jayeechi 92

10 min. Antüinjatü wanüiki suluʼumüin naaʼin na wekirajüinkana (Luc. 24:32). Ekirajawaa namaa na jutkatakana sükajee asakiraakalüirua tüü: 1) Wekirajapa wanee wayuu, ¿jamüsü makatüinjatka suluʼu naaʼin na wekirajüinkana (1) aipüralin sümaa pülain maʼin Jeʼwaa? (2) anain maʼin oonoowaa sümaa tü Wiwüliakat? (3) anain maʼin achuntaa kaaliinwaa nümüin Maleiwa süpülapünaa aneekaa wanee kasa? 2) Püküja jamüin watüjaajeetka saaʼu müleka süntüle wanüiki suluʼumüin naaʼin chi wekirajüinkai müleka wasakirüle nia sünain tüü: (1) ¿Shiimainche tia? (2) ¿Jaʼyasüche sünain türa pütchikat aipüralin Maleiwa? (3) ¿Jamüsü anaka saaʼin pümüin oonowaa sümaa pütchikat tüü?

20 min. «¿Püchajaain sukuwaʼipa süpüla piʼyataain suluʼu tü outkajaaleekat?» Asouktaa shiʼipajee tü asakinnakalü anain. Püsakira motsomüin wanee laülaashi jee niale wanee aʼyataakai neʼipajee na laülaashiikana achajaakai sukuwaʼipa aʼyatawaa suluʼu tü outkajaaleekat jintüliiwaʼaya nia. ¿Kasa piʼyataapuʼuka anain suluʼu tü outkajaaleekat süpülapünaa püneekünüin süpüla aʼyatawaa neʼipajee na laülaashiikana? ¿Kasa ekirajünaka anain pia? ¿Kasa naaʼinraka na wawalayuukana süpüla nakaaliinjüin pia süpüla ichein punoula? ¿Kasa eeka sünainjee kachiiruain paaʼin aʼyatawaa suluʼu tü outkajaaleekat?

Jayeechi 85 otta oʼuraajaa

3. ¿Kasa achuntünaka nümüin wanee wayuu aʼyataweekai suluʼu tü outkajaaleekat? ¿Kasa naaʼinrajatka süpüla nüinküin tia?

³ Iche putuma punoula. Tü achuntünakat nümüin wanee wayuu aʼyataweekai suluʼu tü outkajaaleekat, shia anainjatüin maʼin nunoula; nnojotsü shiain kekiin maʼin nia. Chi wayuu anakai anoula, niyaawata aaʼu tü jülüjakat naaʼin Jeʼwaa otta jülüjakat naaʼin Jesuu (1 Cor. 2:15, 16). Jaʼyeerü naaʼu tü akuwaʼipaa eekat sutuma jüüjüwaa nümüin chi naaʼinkai Maleiewa (Gal. 5:22, 23). Shia palajanaka nutuma Nuluwataaya Maleiwa otta naaʼinmaasü tü aküjaakat pütchi (Mat. 6:33). Süpüla anain punoula, acheküsü paashajeʼerüin tü Wiwüliakat, paashajeʼerüin süpüshuaʼa tü rewiisütakat Aapiria Wayuu otta ¡Despertad!, pikirajaainjatü anain tü outkajawaakat otta nnojolinjachi makatüin pia suulia (Sal. 1:1, 2; Heb. 10:24, 25). Müshi Pablo nümüin Timoteo wanaa sümaa nütütüleʼerüin naaʼin süpüla kooʼomüin niʼyataain: «Ee paaʼin sünain tü pukuaippakat suulia [...] pikirajüin sünain kasa naatajatü» (1 Tim. 4:15, 16). Makalaka pikirajaainjatüin anain palajana tü pikirajüinjatkalü anain na wawalayuukana sünain tü Ekirajawaakat süpüla Aküjaa Pütchi otta pütüjaainjatü aaʼu tü paashajaakalü achiki sünain aküjaa pütchi. Püchajaa sukuwaʼipa süpüla pürekutsoolüin pia, piʼyataain suluʼu Weteet jee shiale pikirajaain sünain tü Ekirajawaakat sünain tü Wiwüliakat napüla na Tooloyuu Maʼwayuusekana. Ichere putuma tü punoulakat, piyoukteerü «tü kasa [...] keejiakat namüin na jimaʼalii[kana]» (2 Tim. 2:22).