Anainjatü suchuntia tü paashajeʼerakat

1 Timoteo 4:13

PÜTÜJAINJATKA APÜLEERUA: Paashajeʼera tü pütchi ashajünakat sümaa miyoʼuin pünüiki.

SUKUWAʼIPAINJATKA

• Yapa pia süpüla aashajeʼeraa. Piyaawata saaʼu jamüin süshajünaka tü pütchikat. Paashajeʼera kojuyasü pütchi, nnojotsü waneesüwalinjatüin. Eeja paaʼin suulia piʼitaain pütchi sooʼomüin, püsünneʼerüin otta suulia puʼuwanajaain tü pütchikat. Jülüja maʼin paaʼin tü kanüliakat signos de puntuación.

• Ana putuma suchuntia süpüshuaʼa tü pütchikat. Nnojorüle pütüjain jamüin suchuntia wanee pütchi, püchajaa süchiki suluʼu wanee diccionario, paapaja tü akürawaajuushikat eere tia karaloʼutakat jee niale püsakirüin wanee wayuu atüjakai aashajeʼeraa.

• Ayaawatünajatü aaʼu pünüiki. Ana putuma suchuntia tü pütchikat, piyalera pikii sümaa nnojoluin püleʼeruʼuin pünüiki. Jülüja maʼin paaʼin sukuwaʼipa suchuntia süpüshuaʼa tü pütchikat.