Atüjeeshi pia asakiraa

Mateo 16:13-16

PÜTÜJAINJATKA APÜLEERUA: Püsakira na wayuukana sünain wanee kasa kamalainjeetka namüin, nasakireʼeraka atuma naaʼin otta süpüla püküjain tü pütchiirua ekirajüneekat maʼin.

SUKUWAʼIPAINJATKA

• Kamalainjeetka namüin. Püsakira naya sünain wanee kasa nasakiraka atuma naaʼin otta tü natüjaweekalü aaʼu.

• Pikirajaa namaa sünain wanee pütchi. Pükaalinja na aapajakana pünüiki süpüla nayaawatüin saaʼu süpüshuaʼa tü pütchikat otta nasakiraiwa naaʼin sünain. Puunteerü tia sükajee püsakirüin naya.

• Püküja tü pütchiirua ekirajüneekat maʼin. Püsakira na wayuukana sünain wanee pütchi natüjaweeka aaʼu, paaʼinra tia süpüla püküjain «wanee pütchi kojutuka maʼin». Süchikijee pikirajüin naya sünain wanee pütchi kojutuka maʼin, püsakira naya jee shiale sajaʼttapa tü pikirajakalü anain.