EKIRAJAAYA 12

Kamanee pia

1 Tesalónica 2:7, 8

PÜTÜJAINJATKA APÜLEERUA: Jaʼyainjatü paaʼu shiimain talatüin paaʼin otta piiʼiyata namüin na aapajakana pünüiki jülüjain naya paaʼin.

Jülüja paaʼin na aapajakana pünüiki. Jülüja paaʼin kasain alatawalin namüin na aapajakana pünüiki. Püsakireʼera paaʼin jamüin naaʼin.
Ana putuma süneekia pünüiki. Shiainjatü paaʼinmaaka maʼin pükatchinrüin naaʼin na aapajakana pünüiki. Nnojo pujuʼitirüin wanee pütchi eekai airuʼuluin namüin jee nnojo mojuin pünüiki nachiki na manoujainsaliikana otta süchiki tü nanoujakalü anain.
Kamanee pia. Kamaneeinjatü pünüiki otta jaʼyainjatü tia saaʼu puʼupünaa, sotowalinjatü paaʼin tia waneepia. Piiʼiyata namüin na aapajakana pünüiki kojutuin naya pümüin. Akulemeraainjachi pia namüin.

Nnojo sülanaʼaleein putuma tü paaʼinrakat shiiʼiree kamaneein pia. Piiʼiyatajatü süka pünüiki jamüin naaʼin chi paashajeʼerakai achiki, nnojotpejeʼe alanaainjatüin shia putuma suulia «atüjakaitche maʼin», pümünüin. Kamaneeinjachi pia süpüla anain naaʼin na wayuukana sümaa tü pikirajakat.