EKIRAJAAYA 10

Modulación

Proverbios 8:4, 7

PÜTÜJAINJATKA APÜLEERUA: Pansaainjatü tü pütchi püküjakat otta puuʼulaküinjatü jiattain pünüiki, kajaalapüinjatü shia jee wainmainjatü sukuwaʼipa putuma.

SUKUWAʼIPAINJATKA

Jiattainjatü otta miyoʼuinjatü pünüiki. Miyoʼuinjatü pünüiki süpüla püküjain tü pütchi anakat maʼin otta süpüla pütütüleʼerüin naaʼin na aapajakana pünüiki. Müinjatia saashajeʼeria putuma süküjale tü Bibliakat nüchiki wanee wayuu süsalakai naainjala. Jiattainjatü putuma pünüiki süpüla natüjaweein saaʼu na wayuukana kaseerüin püküjain. Mmorüle chi paashajeʼerakai achiki, ayatüinjatia müin shia putuma, akaʼaya shapaale naaʼin.

Nnojo jemetuluin pünüiki suulia müin püʼülüjakai aaʼin namüin na aapajakana pünüiki. Nnojotsü alanaʼaleeinjatüin putuma saashajeʼeria suulia «atüjakaitche maʼin» pümünüin.
Naatawalinjatü putuma sukuwaʼipa saashajeʼeria. Anashiire sümüin wayuu emetuluin pünüiki, eesüjaʼa süpüla paaʼinrüin shia süpüla piiʼiyatüin talatüin pia, jeʼtsüin wanee kasa, wattale wanee mma. Nnojotsü emetuluinjatüin pünüiki mojule naaʼin chi wayuu paashajaakai achiki jee shapaale naaʼin.
Eesü süpüla jiattain jee kajaalapüin pünüiki. Kajaalapüinjatü pünüiki süpüla piiʼiyatüin talatüin paaʼin. Nnojotsü kajaalapüinjatüin pünüiki süpüla püküjain tü pütchi anakat maʼin.

Nnojotsü jiattajaainjatüin pünüiki süchikijee kajaalapüin paala shia suulia «¿jamüshikai wayuukai?», namüin na wayuukana püchiki. Nnojotsü awataainjatüin pünüiki suulia matüjaajuuin saaʼu.