Antajatü tü pütchikat suluʼumüin naaʼin

Proverbios 3:1

PÜTÜJAINJATKA APÜLEERUA: Pükaalinja na wayuukana süpüla kojutuin namüin tü pikirajakat otta neʼitaain shia sünain nakuwaʼipa.

SUKUWAʼIPAINJATKA

• Pükaalinja naya süpüla nasakireʼerüin naaʼin. Püküja namüin na wayuukana wanee kasa nasakireʼeraka atuma naaʼin.

• Paashajaa süchiki tü kasa anakat natuma. Pükaalinja na wayuukana süpüla nasakirüin naaʼin jamüin naaʼinraka kasa anasü. Püma namüin naainjai kasa anasü: alin Jehová napüla, alin wayuu napüla otta kojutuin namüin tü sümakat tü Bibliakat. Pütütüleʼera naaʼin, nnojo püʼülüjiraain namaa. Nnojo japülin naya putuma. Sajaʼlajaapa tü pikirajakalü anain, talatajatü naaʼin na wayuukana, nachekajatü naaʼinrüin kasa anasü.

• Niainjachi wekirajaka achiki Jehová. Püküja shikirajüin waya tü Bibliakat sünain nukuwaʼipa Jehová otta alin waya nüpüla. Püma namüin na aapajüshiikana, jülüjaiwa naaʼin tü nukuwaʼipakat otta talatajachin nia natuma.