JAYEECHI 24
Jooʼuya waʼwaajai Jeʼwaa
(Isaías 2:2-4)
1. Müsü saaʼin uuchi miyoʼu
tü aʼwaajaakat Jeʼwaa;
nnojotsü antapünaayaain
tü waneirua sünain.
Keeʼireesü maʼin saaʼin wayuu
naʼyataain nümüin Jeʼwaa
otta naʼwaajüin nia
süka süpüshuaʼaya naaʼin.
Wainma maʼin joo waya
sainküin Mmaka nutuma Jeʼwaa.
Jee anasü waʼyataain
saaʼujee kaalin nüpüla waya.
Watta saalii wayuu
aʼyataaka joo nümüin,
oonooka maʼin nümaa
sümaa naʼwaajüin maʼin nia.
2. Laülaashi joo waaʼu Jesuu
jee nuluwataain waya,
müshi nia: «Juʼuna jümaala
sainküin Mmaka soʼukai».
Keeʼireesü maʼin naaʼin Jesuu
katchin joo wanoulaya
otta jülüjain waaʼin
waneepiain maʼin nia wamaa.
Wainma maʼin joo wayuu
aʼyataaka nümüin neʼe Jeʼwaa.
«Jooʼuya maa sainküin mma
jee weʼikaja Nünüiki Jeʼwaa».
«Jooʼuya», müshii waya
wounejaapa maʼin wayuu.
«Jooʼuya waʼwaajai maʼin
waneepia Taata Jeʼwaa».
(Paashajeʼera Sal. 43:3; 99:9; Is. 60:22; Aluw. 16:5).