«Jimatüle naaʼin wanee wayuu, nnojoleechi ayuulin»

Pütchikat tüü, ashajünüsü suluʼu Proverbios 14:30, eeirü maʼaka 3.000 juya alataka süchikijee süshajünüin. Wayaawata aaʼu sükajee tia pütchikat, anashaatain maʼin sünüiki tü Wiwüliakat. Pütüjeere sooʼomüin, eesü süpüla pünaʼlüin jw.org. Eesü video suluʼu, eesü shiyaakua mieekachein, nachiki wawalayuu asakinnakana jee waneirua pütchi akaalinjeechika pia otta tü shipinjatkat tü ashapatawaakalü aaʼin. Anuu süpüshi tü eekat suluʼu:

NAPÜLA NA KASAATSHIIKANA

• Naaʼinrajatka na kaʼwayuuseshiikana mojujiraale naya

• Anajiraa pia namaa na kasayuukana pünain

• Paaʼinrajatka süpüla nnojoluin jashichikuʼu pümüin

NAPÜLA NA KACHONSHIIKANA

• Paaʼinrajatka süpüla paashajaain nümaa wanee püchon jimaʼai jee wanee majayüt

• Süshapataale saaʼin wanee püchon majayüt

• Pikiraja püchonnii süpüla anain sukuwaʼipa tü Internetkat natuma

NAPÜLA JIMAʼALII JEE MAJAYÜNNÜÜ

• Eejiraa pia sümaa nnojoluin pütkaain

• ¿Kasa taaʼinrajatka süpüla anain tatunkia?

• ¿Jamüsü takumajüinjatka sukuwaʼipa wanee mojujirawaa namaa tawalayuu?