¿Yapashiche taya?
¿Yapashiche taya süpüla aküjaa pütchi namaa na wawalayuukana?
Yapashi pia süpüla aküjaa pütchi sümaa nnojolin woutiisain pia...
... pikirajaʼawaire sünain tü Bibliakat, puʼuraajawaire otta puʼunawaire sünain tü outkajawaakat.
... punoujale sünain tü pikirajaakalü anain, kojutule shia pümüin jee püküjeere süchiki namüin na waneinnua.
... aire püpüla Jehová otta paʼaleewajaale namaa na wayuu aikana apüla nia.
... nnojoire sünainpünaain pia poliitika otta tü iküleesia ekirajakalü alawaa.
... pansaale pukuwaʼipa sümaa tü nümakat Maleiwa otta keeʼireere paaʼin püküjalin pütchi nüchiki Jehová.
Yapale pia süpüla aküjaa pütchi, nüküjeerü namüin na laülaashiikana chi wawala ekirajakai pia. Yooteenaka naya pümaa süpüla natüjaain saaʼu yapale pia süpüla aküjaa pütchi.
¿Yapashiche taya süpüla woutiisaa?
Yapashi pia süpüla woutiisaa...
... püküjale pütchi sümaa nnojolin woutiisain pia.
... püchajaale sukuwaʼipa süpüla püküjain pütchi waneepia.
... pükaalinjale «chi achepchiee oonookai jee kekiikai maʼin» otta paaʼinrüle tü nümakat (Mateo 24:45-47, TNM).
... püküjaitpale nümüin Jehová paapüin paaʼin nümüin otta piʼyataweein nümüin waneepia.
Yapale pia süpüla woutiisaa, nüküjeerü namüin na laülaashiikana chi wawala ekirajakai pia. Yooteenaka naya pümaa süpüla natüjaain saaʼu yapale pia süpüla woutiisaa.