EKIRAJAAYA 37
Tü sümakat tü Bibliakat süchiki tü aʼyatawaakat otta tü nneetkat
Eesü shapaale waaʼin sutuma nnojoluin waʼyataain otta manneetsein waya. Eesü kapüleere wamüin waʼwaajüin Jehová sümaa waʼyataain süpüleerua tü wepijaainjatkalü aaʼu. Süküjain tü Bibliakat waneirua pütchi akaalinjeenaka waya.
1. ¿Jamüsü sünüiki tü Bibliakat süchiki tü aʼyatawaakat?
Nücheküin Jehová anainjatüin waaʼin sünain aʼyatawaa. «Anashaatasü maʼin nümüin wanee wayuu [...] naaʼinrüle wanee kasa talateetka atuma naaʼin süka niʼyataashaatain süchiirua» müsü tü Bibliakat (Eclesiastés 2:24). Aʼyataai maʼin Jehová. Waʼyataaliire maʼin maʼaka naaʼin Jehová, talateerü naaʼin wamaa jee talateerü waaʼinya.
Mayaainjeʼe choʼujaain waʼyataainjanain, nnojotsü alanaʼaleeinjatüin sujutu wamüin suulia waʼwaajüin Jehová (Juan 6:27). Nüküjain wamüin Jehová naapeerüin wamüin tü kasa choʼujaakat wamüin waaʼinmaale tü aʼyatawaakat nümüin suulialeʼeya wane kasa.
2. ¿Jamüsü sünüiki tü Bibliakat süchiki tü nneetkat?
Mayaainjeʼe choʼujaain wamüin tü nneetkat, nnojoleerü shiain talatüin atuma waaʼin (Eclesiastés 7:12). Süküjain wamüin tü Bibliakat nnojoluinjatüin sülanaʼaleein wamüin sujutu tü nneetkat. «Shia anaka aluʼu müleka talatüle neʼe jaaʼin waneʼewai jukua sümaa tü eekai eein jümaʼana» müsü shia (paashajeʼera Hebreokana 13:5). Talatüle waaʼin sümaa tü kasa eekat wamaʼana, nnojoleerü mojuin waaʼin süchiirua kamaʼanaa wainma korolo otta nnojoleena kojuyaalain waya (Proverbios 22:7). Nnojoleerü mojuin wakuwaʼipa sutuma emiʼijawaa saaʼu nneerü jee sutuma wainmeein korolo wamaʼana.
3. ¿Kasa waaʼinrajatka süpüla wasülajüliin?
Asülajüliinjana waya maʼaka nüsülajülin Jehová (1 Timoteo 6:18). Asülajüinjana waya süpüla tü kasa choʼujaakat suluʼu tü outkajaaleekat jee süpüla akaalinjaa na wawalayuu eʼrakana namüliala jaʼitairü palitchon tü wasülajakat. Kojutusü maʼin nümüin Jehová wasülajüle süka süpüshuaʼa waaʼin. Wasülajüle süka waaʼin, talateena waya jee talateerü naaʼin Jehová wamaʼaya (jaashajeʼera Aluwataaushikana [Hechos] 20:35).
WEKIRAJAA SOOʼOMÜIN
Wekirajaa sünain tü kasa anasü weʼreetkat nnojorüle sülanaʼaleein sujutu wamüin tü aʼyatawaakat otta talatüle waaʼin sümaa tü kasa eekat wamaʼana.
4. Waʼyataaliire maʼin, kojuteechi Jehová watuma
Aleewale maʼin waya nümaa Jehová, aʼyataaliijeena maʼin waya. Jünaja tü VIDEOKOT otta yooto jia süchiki tüü:
¿Kasa ponoko paaʼin sünain nukuwaʼipa Jason niʼyataaleruʼu?
¿Kasa naaʼinraka süpüla nnojoluin sülanaʼaleein nümüin sujutu tü aʼyatawaakat?
Jaashajeʼera Colosas 3:23, 24, TNM otta yooto jia süchiki tüü:
¿Jamüshii waʼyataainjanaka süka süpüshuaʼa waaʼin?
Mayaainjeʼe choʼujaain wamüin tü aʼyatawaakat, nnojotsü alanaʼaleeinjatüin sujutu wamüin nuulialeʼeya Jehová.
5. Tü kasa anasü weʼreetkat talatüle waaʼin sümaa tü kasa eekat wamaʼana
Wainma na achajaakana sukuwaʼipa süpüla wainmain nneerü namaʼana. Nnojotpejeʼe waaʼinrajatüin tia saashin tü Bibliakat. Jaashajeʼera 1 Timoteo 6:6-8 otta yooto jia süchiki tüü:
¿Jamüsü sünüiki tü Bibliakat wamüin?
Eesü süpüla talatüin waaʼin mayaainjeʼe nnojoluin wainmain kasa wamaʼana. Jünaja tü VIDEOKOT otta yooto jia süchiki tüü:
¿Jamüsü talataka naaʼin naya wayuukana mayaainjeʼe nnojoluin wainmain kasa namaʼana?
¿Jama wainmale nneerü wamaʼana sümaa kooʼomüinweein shia wamüin? Nnojotsü anain tia naashin Jesús. Anuu tü nümakat süchiki tia. Jaashajeʼera Lucas 12:15-21 otta yooto jia süchiki tüü:
¿Kasa watüjaka sünainjee tü nümakat Jesús? (Jaashajeʼera süchikuaʼa wetsiikulokot 15).
Jaashajeʼera Proverbios 10:22 jee juʼwanaajireʼera sümaa 1 Timoteo 6:10. Süchikijee, yooto jia süchiki tüü:
¿Kasa anaʼleeka maʼin? ¿Kamaʼanaa wainma nneerü shiataapa aleewaa nümaa Jehová? ¿Jamüsü anaʼleeka tia?
¿Kasa mojusü weʼreetka süchiiruale waaʼin tü nneetkat?
6. Naapeerü Jehová tü kasa choʼujaakat wamüin
Kanoulashii waya nünain Jehová, ayatüle waʼyataain nümüin mayaainjeʼe kapüleein wamüin wousütüin sünain aʼyatawaa otta tü wepijaainjatkalü aaʼu. Jünaja tü VIDEOKOT süpüla jütüjaain saaʼu tü jaaʼinrajatkat sülatüle jümüin tia jee süchikijee, yooto jia süchiki tüü:
¿Kasa müliaa niʼraka chi wawala weʼrakai suluʼu tü videokot?
¿Kasa naaʼinraka süpüla nülatüin süchikumüin?
Jaashajeʼera Mateo 6:25-34, TNM otta yooto jia süchiki tüü:
¿Jamüsü nünüiki Jehová namüin na aaʼinmaakana tü aʼyatawaakat nümüin?
EESHII WAYUU EEKAI NAMÜIN: «Isasü tachiki toʼunuin sünain tü outkajawaakat. Aʼyataainjachi taya, aisü maʼin jamüka».
Püküja wanee wetsiikulo piyaawataka anainjee anaʼleein maʼin waaʼinmaale waʼyataain nümüin Jehová.
WATÜJAAITPAKA AAʼU
Choʼujaasü tü aʼyatawaakat jee tü nneetkat. Nnojotpejeʼe shiain alanaʼaleein ojutu wamüin suulia aʼyatawaa nümüin Jehová.
Pusouta shiʼipajee
¿Kasa akaalinjeenaka waya süpüla nnojoluinjatüin sülanaʼaleein wamüin sujutu tü aʼyatawaakat?
¿Kasa anasü weʼreetka talatüle waya sümaa tü kasa eekat wamaʼana?
Süka nüküjain Jehová naapeerüin tü kasa choʼujaakat namüin na aʼyataashiikana nümüin, ¿kasa paaʼinrajatka piʼitaale paaʼin nünain?
PÜNAʼLA SOOʼOMÜIN
Paashajeʼera süchiki mojule kamaʼanaa nneerü saashin tü Bibliakat.
«¿Shiache mojuka atuma wakuwaʼipa tü nneetkat?» (Pütchi suluʼuka jw.org)
Paashajeʼera süchiki talateerüin naaʼin Jehová wasülajüliire.
«¿Jamüsü sünüiki tü Bibliakat süchiki tü asülajaakat?» (Pütchi suluʼuka jw.org)
¿Mojusüche emiʼijawaa saaʼu nneerü?
«Tü sümakat tü Bibliakat süchiki emiʼijawaa saaʼu nneerü» (¡Eeja Waaʼin!, maatsoʼu 2015)
Paashajeʼera nüchiki wanee wayuu jamüin nuuʼulaaka suulia emiʼijawaa saaʼu nneerü jee aʼluwajaa.
«Kamalainpuʼusü maʼin tamüin anajaa suwachira amaa» (Aapiria Wayuu, nowienpüroʼu 1, 2011)