EKIRAJAAYA 39
Tü nümakat Jehová süchiki tü ishakat
Nnojorüle tü ishakat wanain, outeena waya. Makalaka choʼujaain shia wamüin süpüla katüin woʼu. Nia Maleiwa aküjaka wamüin jamüinjatüin sukuwaʼipa watuma tü ishakat, jama nukumajalain waya. ¿Jamüsü nünüiki süchiki tü ishakat? ¿Eesüche süpüla weküin süsha mürüt jee weʼiteʼerüin isha wanain? ¿Kasa paaʼinrajatka süpüla piyaawatüin saaʼu tü anakat noʼuluʼu Jehová süchiki tia?
1. ¿Jamüsü nünüiki Jehová süchiki tü ishakat?
Nüküjain Jehová namüin na anoujashii namaiwajanakana katüin soʼu wanee kasa sutuma tü süshakat (Levítico 17:14). Süka niain Jehová katüin atuma soʼu wanee kasa, kojutusü shia nümüin, makalaka kojutuin nümüin tü ishakat.
2. ¿Anasüche weküle süsha mürüt jee weʼiteʼerüle isha wanain?
Nüküjain Jehová namüin na anoujashii namaiwajanakana nnojoliinjanain neküin isha (paashajeʼera Génesis 9:4 otta Levítico 17:10). Nüküjain shia Jehová süchikuaʼa namüin na aluwataaushikana. «Jiyoutajatü isha» müshii na aluwataaushikana namüin na anoujashiikana (paashajeʼera Aluwataaushikana [Hechos] 15:28, 29, TNM).
«Piyoutajatü tü asüüshikat» nümüle pümüin chi tottootkai, ¿püseetche shia? ¿Pikeetche wanee eküülü kaʼakaka asüüshi? ¿Piʼitaajeetche shia pütaluʼupünaa? Nnojottaa. Müsia tü waaʼinrajatkat süküjünüle wamüin wayoutajatüin tü ishakat. Woonoole nümaa Maleiwa, nnojotsü weküin süsha mürüt, nnojotsü weküin shiʼiruku mürüt eekai nnojoluin shiyuʼluushin süsha otta nnojotsü weküin eküülü eekai kaʼakain atumawaa süsha mürüt.
¿Jama tü naaʼinrakat na tottootkana süka tü ishakat? Nnojotsü anain noʼuluʼu Maleiwa shiʼitaanüle isha wataluʼupünaa jee shiʼitaanüle tü kanüliakat glóbulos rojos, glóbulos blancos, plaquetas otta plasma. Eepejeʼe waneirua kasa waneeküinjatka süka waaʼin wamüiwaʼa, maʼaka saaʼin wepinaseinjatüle jee shiʼitaanüinjatüle wanain tü ayuʼnnakat saʼakajee tia pienchisükat kasa otta shiale tü aaʼinnajatkat süka tü washakat (Galacia 6:5).a
WEKIRAJAA SOOʼOMÜIN
Wekirajaa süchiki waneirua kasa jülüjainjatka waaʼin waneekajatpa tü tratamiento aainjünajatkat wamüin.
3. Paaʼinra tü anakat noʼuluʼu Jehová
¿Kasa paaʼinrajatka süpüla pansaain tü püneekakat sümaa tü nümakat Jehová süchiki tü ishakat? Jünaja tü VIDEOKOT otta yooto jia süchiki jamüin anaka süpüla waaʼinrüin tü ashajünakat wünaapünaa.
Puchunta nümüin Maleiwa süpüla pütüjaain saaʼu tü paaʼinrajatkat (Santiago 1:5).
Pikirajaa sünain waneirua pütchi piyaawateetka anainjee tü anakat noʼuluʼu Jehová jee paaʼinra shia (Proverbios 13:16).
Püsakira süchiirua tü tratamiento eekat eere kepiain pia.
Jülüja paaʼin tü nnojotkalü anain süpüla püneeküin.
Jülüja paaʼin aneerüin paaʼin anale noʼuluʼu Jehová tü kasa püneekakat (Aluwataaushikana 24:16).b
Püneeküinjatpa wanee kasa, jülüjeesü paaʼin anainjatüin paaʼin sutuma, nnojotsü shiainjatüin aneeküin pooʼopünaa puʼwayuuse, wanee laülaashi suluʼu tü outkajaaleekat jee chi wawala ekirajakai pia sünain tü Bibliakat (Roma 14:12, TNM).
Püshaja sünain wanee karaloʼuta jaralüin tü püneekakat.
4. Ayuuitpa waya, wachajaain tü kasa anakat maʼin süpüla anainjanain waya
Wayoutuin tü ishakat sükajee nüpülajüin shia Maleiwa woulia. Mayaainjeʼe müin tia, wachajaain waneirua kasa anakat maʼin wapüla. Jünaja tü VIDEOKOT.
Jaashajeʼera Tito 3:2 otta yooto jia süchiki tüü:
¿Jamüsü weeʼiyatüinjatka nojutu na tottootkana jee anamiainjanaka waya waashajaapa namaa?
Tü wayoutakat |
Waneeküinjatü süka waaʼin wamüiwaʼa |
|---|---|
1. Plasma |
Ayuʼnnaka saʼakajee plasma |
2. Glóbulos blancos |
Ayuʼnnaka saʼakajee glóbulos blancos |
3. Plaquetas |
Ayuʼnnaka saʼakajee plaquetas |
4. Glóbulos rojos |
Ayuʼnnaka saʼakajee glóbulos rojos |
5. Tü kanüliakat fracciones sanguíneas
Anuu tü pienchisü kasa ayuʼnnakat saʼakajee tü ishakat: glóbulos rojos, glóbulos blancos, plaquetas otta plasma. Eetaasü waneirua ayuʼnnaka saʼakajee tiairua, fracciones sanguíneasc münüsü shia. Tia makalü anülia, eesü epinasere shia atumawaa süpüla shiiyajünüin waneirua ayuulii otta süpüla nnojoluin amülain maʼin isha nümüin wanee wayuu neewaale.
Niiyajaweere wanee wayuu süka fracciones sanguíneas, jülüjainjatü naaʼin aneerüle naaʼin sutuma tia. Eeshii waneinnua ayoutakana wanee tratamiento eekai kaʼakain fracciones sanguíneas. Eetaashii na anakana amüin tia.
Püneekajatpa tü paaʼinrajatkat, püsakira paaʼin sünain tüü:
¿Jamüsüche paala tanüiki süpüla taküjain nümüin chi tottootkai jamüin tayoutaka otta jamüin anaka tamüin tü kanüliakat fraccciones sanguíneas?
EESHII WAYUU EEKAI NAMÜIN: «¿Jamüsü mojuka weʼiteʼerüle isha wanain? Shiapejeʼe kateerüin atuma woʼu».
¿Jamüsüjaʼa pünüiki süchiki tia?
WATÜJAAITPAKA AAʼU
Nnojotsü anain nümüin Jehová weküle süsha mürüt jee weʼiteʼerüle isha wanain.
Pusouta shiʼipajee
¿Jamüsü kojutuka nümüin Jehová tü ishakat?
¿Jamüsü watüjaaka saaʼu nüpülajüin Jehová woulia weʼiteʼerüin isha wanain?
¿Kasa paaʼinrajatka süpüla pansaain tü püneekakat sümaa tü nümakat Jehová süchiki tü ishakat?
PÜNAʼLA SOOʼOMÜIN
¿Kasa jülüjainjatka paaʼin saainjünüinjatüle pümüin wanee kasa süka tü püshakat?
«Süsakiraka anain wayuu» (Aapiria Wayuu, oʼutuupüroʼu 15, 2000)
¿Kasa jülüjainjatka paaʼin piiyajaweere süka tü kanüliakat fracciones sanguíneas?
¿Jamüsü anaka nümüin wanee tottoot tü nümakat Jehová süchiki tü ishakat?
«Anasü tamüin tü nümakat Maleiwa süchiki tü ishakat» (¡Eeja Waaʼin!, tisienpüroʼu 8, 2003)
Pünaja süchiki tü naaʼinrakat na laülaashii akaalinjakana na wawalayuukana suulia shiʼitaanüin isha nanain.
a Paashajeʼera ekirajaaya 35 «Jülüjainjatka waaʼin waaʼinrajatpa wanee kasa».
b Paashajeʼera tü pütchikat 5, «Tü kanüliakat fracciones sanguíneas» otta tü nootakat 3, «Waneirua kasa naaʼinraka na tottootkana süka tü ishakat».
c Tü pienchisükat kasa ayuʼnnakat saʼakajee tü ishakat, fracciones shia naashin na tottootkana. Müsüjeseʼe püküjainjatüin nümüin chi tottootkai jamüin piyoutaka shiʼitaanüin isha pünain jee müsia glóbulos rojos, glóbulos blancos, plaquetas otta plasma.