EKIRAJAAYA 48
Aleewajiraa pia namaa na wayuu anakana akuwaʼipa
Waʼaleewajaale namaa na wayuu anakana akuwaʼipa, talateerü waaʼin natuma jee namülialeerü waaʼin weʼrüle müliaa. Jülüjainjatpejeʼe waaʼin tü sümakat tü Bibliakat waneeküinjanapa na waʼaleewainkana. ¿Kasa paaʼinrajatka süpüla püneeküin na anakana süpüla paʼaleewain? Wekirajaa sünain tü paaʼinrajatkat.
1. ¿Jameerü pukuwaʼipa natuma na paʼaleewajaakana amaa?
Aleewale pia namaa na wayuu anakana akuwaʼipa, aneerü pukuwaʼipa jee aleewale pia namaa na mojukana akuwaʼipa mojeerü pukuwaʼipa jaʼitainna paʼaleewajaain namaa suluʼupünaa redes sociales. «Kekiijeechi maʼin wanee wayuu naʼaleewajaale nümaa chi wayuu kekiikai maʼin. Mojeerü nukuwaʼipa wanee wayuu naʼaleewajaale nümaa chi wayuu eekai mojulaain [chia nia chi maalinkai apüla Jehová]» müsü tü Bibliakat (Proverbios 13:20). Waʼaleewajaale namaa na wayuu aikana apüla Jehová jee aʼwaajakana nia, nakaalinjeena waya süpüla aleewain maʼin waya nümaa jee süpüla anain watuma tü waneekakat. Paʼaleewajaale namaa na nnojoliikana anain akuwaʼipa, nakayaleʼereechi pia nuulia Jehová. Shiajaʼa sümaka tü Bibliakat wamüin anainjatüin nakuwaʼipa na wayuu waʼaleewajaakana amaa. Aire napüla Maleiwa na waʼaleewainkana, natütüleʼereerü waaʼin soʼunnaa müliaa. Müshiʼiya wayakana, watütüleʼereerü naaʼin (1 Tesalónica 5:11).
2. ¿Anasüche nümüin Jehová waʼaleewajaale sümaa wayuu eeka eein?
Nüneeküin Jehová na wayuu naʼaleewajaakana amaa. Saashin tü Bibliakat, aleewashi maʼin nia namaa na wayuu lotokana akuwaʼipa (Proverbios 3:32). ¿Jameetche naaʼin Jehová aleewale waya namaa na nnojoliikana alin apüla nia? Mojeerü naaʼin watuma (paashajeʼera Santiago 4:4). Wayoutule aleewaa namaa na nnojoliikana anain süpüla waʼaleewain, arütkaajeena waya nünain Maleiwa jee nanain na aikana apüla nia. Talateerü naaʼin Jehová jee aleeweechi nia wamaa (Salmo 15:1-4).
WEKIRAJAA SOOʼOMÜIN
Wekirajaa sünain jamüin anainjatka nakuwaʼipa na wayuu waʼaleewajaakana amaa otta tü paaʼinrajatkat süpüla paʼaleewajaain namaa na wayuu anakana akuwaʼipa.
3. Nnojo aleewain pia namaa na nnojoliikana anain süpüla paʼaleewain
Na nnojoliikana anain süpüla paʼaleewain naya na wayuu nnojoliikana alin apüla Maleiwa jee na nnojoliikana kojutuin amüin tü nuluwataakalü anain. Jünaja tü VIDEOKOT otta yooto jia süchiki tüü:
Sünainjee tü wanajakat suluʼu tü videokot, ¿kasa aleeweenaka atuma waya namaa na nnojoliikana anain süpüla waʼaleewain?
Jaashajeʼera 1 Corinto 15:33, TNM otta yooto jia süchiki tüü:
¿Kasa jülüjainjatka paaʼin sünain nakuwaʼipa na nnojoliikana anain süpüla paʼaleewain? ¿Jamüsü jülüjainjatka paaʼin tia?
Jaashajeʼera Salmo 119:63 otta yooto jia süchiki tüü:
¿Kasa jülüjainjatka paaʼin sünain nukuwaʼipa wanee wayuu aleewakana amaa pia?
Ittüle wanee mansaana, ittayaa meerü tü waneirua sünainjee. ¿Jameerü pukuwaʼipa aleewale pia namaa na wayuu mojukana akuwaʼipa?
4. Jaʼitairü naatain nakuwaʼipa na wawalayuukana, eeshii süpüla waʼaleewajaain namaa
Süküjain tü Bibliakat nüchiki David otta Jonatán, chejeʼewalii naya suluʼu tü mmakat Israel. Mayaainjeʼe nnojoluin wanaawain nouyase jee nakuwaʼipa, aleewashii maʼin naya. Jaashajeʼera 1 Samuel 18:1 otta yooto jia süchiki tüü:
¿Wanaawainjatche nouyase wamaa jee nakuwaʼipa na waʼaleewainkana?
Jaashajeʼera Roma 1:11, 12 otta yooto jia süchiki tüü:
¿Kasa naaʼinraka na aikana apüla Jehová süpüla natütüleʼerajiraain naaʼin?
Eeshi wanee jimaʼai aleewalaʼa makai nümaa wanee wawala anakai süpüla naʼaleewain. Jünaja tü VIDEOKOT otta yooto jia süchiki tüü:
¿Jamüsü shapaaka naaʼin na wayuu kachooinkana Akil saaʼu naʼaleewajaain namaa na koleejiajiraakana nümaa?
¿Jamüsü kamalainka paala nümüin Akil aleewajiraain nia namaa naya tepichikana?
¿Kasa naaʼinraka süpüla nnojoluinjatüin mojuin naaʼin süka maʼaleewain nia?
5. ¿Kasa paaʼinrajatka süpüla paʼaleewajaain namaa na wayuu aikana apüla Maleiwa?
Pünaja tü paaʼinrajatkat süpüla paʼaleewajaain namaa na wayuu anakana akuwaʼipa jee süpüla anain pukuwaʼipaya. Jünaja tü VIDEOKOT.
Jaashajeʼera Proverbios 18:24 otta 27:17 otta yooto jia süchiki tüü:
¿Kasa naaʼinraka wanee wayuu nüpüleerua naʼaleewain aire nia nüpüla?
¿Müsüche nakuwaʼipa na paʼaleewainkana maʼaka saaʼin tü sümakat Proverbios? Nnojorüle müin shia, ¿kasa paaʼinrajatka süpüla paʼaleewajaain namaa na makana akuwaʼipa?
Jaashajeʼera Filipos 2:4, 5 otta yooto jia süchiki tüü:
Aleeweere pia namaa na wayuu anakana akuwaʼipa, anainjatü pukuwaʼipaya. ¿Kasakaʼa paaʼinrajatüin süpüla anainjatüin pukuwaʼipa?
Süpüla paʼaleewajaain namaa na wayuu anakana akuwaʼipa, anainjatü pukuwaʼipa namüinya.
EESHII WAYUU EEKAI NAMÜIN: «Jaʼitainna manoujain na taʼaleewainkana, nnojoishii mojulaain naya».
¿Jamüsüjaʼa pünüiki süchiki tia?
WATÜJAAITPAKA AAʼU
Anale nakuwaʼipa na waʼaleewajaakana amaa, aneerü wakuwaʼipa jee talateerü naaʼin Jehová watuma.
Pusouta shiʼipajee
¿Jamüsü anaka nümüin Jehová waʼaleewajaale namaa na anakana akuwaʼipa?
¿Jaralii na nnojoliikana anain süpüla waʼaleewajaain amaa?
¿Kasa paaʼinrajatka süpüla aleewain maʼin pia namaa na aikana apüla Jehová?
PÜNAʼLA SOOʼOMÜIN
Na wawalayuu waʼaleewajaakana amaa, nakaalinjeena waya soʼunnaa müliaa. Paashajeʼera süchiki tia.
«Aleewajiraa maʼin waya süpülapünaa tü müliaa miyoʼusükat» (Aapiria Wayuu, nowienpüroʼu 2019)
Anuu süchiki waneirua kasa paaʼinrajatka süpüla paʼaleewajaain namaa na anakana akuwaʼipa.
¿Kasa pütüjaainjatka aaʼu nachiki na paʼaleewajaakana amaa suluʼupünaa redes sociales?
Suluʼuinjachire pia redes sociales, eeja maʼin paaʼin (4:12)
Paashajeʼera nüchiki wanee wayuu mojupuʼukai aaʼin sutuma mashin nia otta jamüin nuuʼulaaka suulia aleewa namaa na aleewapuʼukana amaa nia.
«Sunouteʼerüin nakuwaʼipa tü Bibliakat» (Aapiria Wayuu, aaʼuriiroʼu 1, 2012)