EKIRAJAAYA 56
Paaʼinrajatka süpüla paaʼinwajiraain na wawalayuukana
Wanaa sümaa namaain waya na wawalayuukana, müsü wanüiki maʼaka naaʼin chi aluwataaikai David: «Jülüja jaaʼin tüü: anashaatasü maʼin kottiraale na wawalayuukana sümaa paaʼinwajiraain naya» (Salmo 133:1). Nnojoishii paaʼinwajiraain neʼe waya süpaʼa mma, eesü tü kasa waaʼinrakat süpüla müin wakuwaʼipa.
1. ¿Kasa kamalainka pümüin sünainjee nakuwaʼipa na wawalayuukana?
Puʼunule suluʼu wanee outkajaalee suluʼu wanee mma naatajatü, eesüjaʼa nnojorüle piyaawatüin saaʼu nanüikipala na wawalayuukana. Aneetpejeʼe paaʼin süka shiain neʼe wekirajaain anain tü Bibliakat, tü karaloʼuta suluʼujeejatkat otta wachajaain sukuwaʼipa süpüla aijiraain waya. Jaʼitainna jalain kepiain waya, kojutusü wamüin nünülia Jehová jee waʼwaajüin nia sümaa paaʼinwajiraain waya (Sofonías 3:9; noota).
2. ¿Kasa paaʼinrajatka süpüla paaʼinwajiraain pia namaa na wawalayuukana?
«Anakaja jooluʼu müleka kooʼomüinre alin naya jüpüla» (1 Pedro 1:22). Waaʼinrüin tü sümakat tia pütchikat jülüjale waaʼin tü kasa anakat natuma na wawalayuukana. Nnojotsü jülüjainjatüin waaʼin tü kasa mojukat natuma. Nnojo paʼaleewajaain neʼe namaa na wawalayuu anakana akuwaʼipa pümüin, püchajaa sukuwaʼipa süpüla paʼaleewajaain namaa na wawalayuu naatakana eʼiruku jaʼitainna laülaayuuin jee tepichin naya. Püchajaa sukuwaʼipa süpüla nnojoluin koʼuin pukuwaʼipa namüin na wawalayuukana (paashajeʼera 1 Pedro 2:17).a
3. ¿Kasa paaʼinrajatka mojujiraale pia nümaa wanee wawala?
Mayaainjeʼe wachajaain sukuwaʼipa süpüla paaʼinwajiraain waya, eeshii mojujiraale waya namaa na waneinnua sutuma waleʼeruʼuin tü kaainjalaakat. Süküjain wamüin tü Bibliakat motuinjatüin waaʼin naainjala na waneinnua maʼaka motuin naaʼin Jehová tü waainjalakat (paashajeʼera Colosas 3:13). Kaainjalashii waya soʼukaiwai noʼuluʼu Maleiwa, mayaainjeʼe müin shia, motusü naaʼin tü waainjalakat. Nuchuntuinjeseʼe wamüin motuinjatüin waaʼin naainjala na wawalayuukana. Mojule naaʼin wanee wawala putuma, püchajaamaata sukuwaʼipa süpüla anajiraain pia nümaa (paashajeʼera Mateo 5:23, 24).b
WEKIRAJAA SOOʼOMÜIN
Jülüja paaʼin tü paaʼinrajatkat süpüla paaʼinwajiraain jee anajiraain pia namaa na wawalayuukana.
¿Kasa paaʼinrajatka süpüla anajiraain pia nümaa wanee wawala?
4. Nnojo koʼuin pukuwaʼipa
Mayaainjeʼe alin wapüla na wawalayuukana, eesü kapüleejeerüle wamüin paaʼinwain waya nümaa wanee wawala sutuma nnojoluin wanaawain naaʼin jee nukuwaʼipa wamaa. ¿Kasakaʼa waaʼinrajatüin sülatüle wamüin tia? Jaashajeʼera Aluwataaushikana [Hechos] 10:34, 35 otta yooto jia süchiki tüü:
Nücheküin Jehová wayuu maʼleekalia süpüla shiʼyataain nümüin, nnojotsü koʼuin nukuwaʼipa sümüin. ¿Kasa paaʼinrajatka süpüla püshatüin nukuwaʼipa namüin na wayuu naatakana eʼiruku jee oumain?
¿Koʼusüche nakuwaʼipa sümüin wayuu na kepiakana pejepünaa pünain? ¿Jamüsü nnojoluinjatka müin pukuwaʼipa maʼaka naaʼin nayakana?
Jaashajeʼera 2 Corinto 6:11-13 otta yooto jia süchiki tüü:
¿Kasa paaʼinrajatka süpüla kooʼomüin naalin na wawalayuukana püpüla?
5. Moto paaʼin naainjala na waneinnua jee püchajaa anajirawaa
Mayaainjeʼe nnojoluin kaainjalain chi Maleiwakai wamüin, motowaisü naaʼin tü waainjalakat. Jaashajeʼera Salmo 86:5 otta yooto jia süchiki tüü:
Sünainjee tü sümakat wetsiikulokot tüü, ¿motusüche naaʼin Jehová tü waainjalakat?
¿Jamüsü anaka paaʼin sutuma motuin naaʼin Jehová paainjala?
¿Jeʼtsü waneirua kasa kapüleejeetka atuma anajiraain waya namaa na waneinnua?
¿Kasa waaʼinrajatka süpüla paaʼinwajiraain waya namaa na wawalayuukana? Jaashajeʼera Proverbios 19:11 otta yooto jia süchiki tüü:
¿Kasa paaʼinrajatka süpüla punouteʼerüin wanee kasa mojusü aainjünakat pümüin?
¿Kasa waaʼinrajatka wayale aaʼinrüin wanee kasa mojuka namüin na waneinnua? Jünaja tü VIDEOKOT otta yooto jia süchiki tüü:
¿Kasa saaʼinraka tü wawala weʼrakat suluʼu tü videokot süpüla anajiraain shia sümaa tü wane wawalakat?
6. Jülüja paaʼin tü kasa anasü naaʼinrakat na wawalayuukana
Weʼraajüle nakuwaʼipa na wawalayuukana, watüjaajeerü aaʼu tü kasa anakat jee tü mojukat natuma. ¿Kasa waaʼinrajatka süpüla kojutuin wamüin tü kasa anasü naaʼinrakat na wawalayuukana? Jünaja tü VIDEOKOT otta yooto jia süchiki tüü:
¿Kasa paaʼinrajatka süpüla jülüjain paaʼin tü kasa anasü naaʼinrakat na wawalayuukana?
Jülüjasü naaʼin Jehová tü kasa anasü waaʼinrakat. Jaashajeʼera 2 Crónicas 16:91 otta yooto jia süchiki tüü:
¿Jamüsü paaʼin süka pütüjaain saaʼu shiain jülüjain naaʼin Jehová tü kasa anasü paaʼinrakat?
Nnojotsü ashakajaain süliapala wanee süttiija akumajuushika süka ooro sutuma kasipalain shia. Akaʼaya nojutu na wawalayuukana nümüin Jehová, nnojotsü ashakajaain sutuma naleʼeruʼuin tü kaainjalaakat.
EESHII WAYUU EEKAI NAMÜIN: «Kapüleesü tamüin motuin taaʼin naainjala wanee wayuu, aluʼusaʼa teʼrüle nunouteʼerüin nukuwaʼipa».
¿Jamüsü anaka motule waaʼin naainjala na waneinnua?
WATÜJAAITPAKA AAʼU
Motule waaʼin naainjala na wawalayuukana jee aire naya wapüla, paaʼinwajiraajeena waya namaa.
Pusouta shiʼipajee
¿Kasa paaʼinrajatka süpüla nnojoluin koʼuin pukuwaʼipa sümüin wayuu?
¿Kasa paaʼinrajatka mojujiraale pia nümaa wanee wawala?
¿Jamüsü anaka püshatüle nukuwaʼipa Jehová motopa paaʼin naainjala na waneinnua?
PÜNAʼLA SOOʼOMÜIN
Nüküjain Jesús tü waaʼinrajatkat süpüla nnojoliinjanain wayoujain na waneeinna. Pünaja süchiki tia.
Wachajaa anajirawaa mayaainjeʼe nnojoluin wayain kaainjalain saaʼin wamüin.
«Tü waaʼinrajatkat süpüla anajiraain waya» (Aapiria Wayuu, nowienpüroʼu 1, 2002)
Pünaja nachiki waneinnua wayuu nnojoliinnapakana koʼuin akuwaʼipa süka natüjaaitpain saaʼu tü sümakat tü Bibliakat.
Paashajeʼera süchiki tü paaʼinrajatkat suulia mojujiraain pia namaa na wawalayuukana.
«Wakumaja sukuwaʼipa wanee mojujirawaa süka anakalü akuwaʼipa» (Aapiria Wayuu, maayoʼu 2016)
a Suluʼu tü nootakat 6, aküjünüsü tü waaʼinrajatkat wanainre wanee ayuulii kalataarat.
b Suluʼu tü nootakat 7, aküjünüsü tü sümakat tü Bibliakat süchiki aʼyateʼeraa nneerü otta süchiki anouteʼeraa wanee kasa laülaapialuʼu.