Asakinnaka Anain

◼ ¿Oʼuraajüinjana waya eepünaale wekirajüin sünain tü Wiwüliakat?

Anasü maʼin ekirajaa sünain tü Wiwüliakat müleka woʼuraajüle suʼttiajee jee sajaʼttiamüin. Wachuntüin nümüin Maleiwa eeinjachin chi naaʼinkai waaʼu suʼunnaa tü ekirajawaakat (Luc. 11:13). Müle shia watuma, kojutüsü wamüin tü ekirajawaakat sünain tü Wiwüliakat otta wekirajüin na wayuukana sünain oʼuraajaa (Luc. 6:​40). Müsüjeseʼe choʼujaain saainjünamaatüin maalü. Süka naatawalin sukuwaʼipa tü ekirajawaakat, kekiinjana maʼin na ekirajüshiikana süpüla naneeküin noʼuraajüinjanale eepünaale nekirajüin.

Jülüjüinjatü waaʼin sukuwaʼipa tü ekirajawaakat. Pikirajüle wanee wayuu weinshi otta piʼrüle yüütüüin, eeshi süpüla puʼuraajüin motsoʼo sujuuna wayuu suʼttiajee jee sajaʼttiamüin tü ekirajawaakat. Mojushiire shia nümüin chi ekirajaashikai otta ponule shia saaʼin wayuu, anakajaʼa paainjüle shia yüütüüpeena. Shiajaʼa neʼe laülaainjatüin waaʼin süpüla waneeküin joujainjanain woʼttüin sünain oʼuraajaa namaa na wekirajüinkana (paashajeʼera Waʼyataain Nümüin Maleiwa ojuʼitaka maatsoʼu 2005, süpana 4).