5 Upéva rangue peho vaʼerã pe lugár Jehová pende Jára oiporavohápe pende trivukuéra apytégui, oñemombaʼeguasu hag̃ua héra ha oiko hag̃ua, ha upépe peadora vaʼerã chupe.+ 6 Upe lugárpe pegueraha vaʼerã pene ofrénda ojehapýva,+ pende sakrifisiokuéra, pene diésmo,*+ pene kontrivusión,+ pene ofrénda pekumpli hag̃ua pene promésa, pene ofrénda voluntária,+ ha umi pene rymbakuéra raʼy ypykue, tahaʼe umi vaka, tóro, ovecha térã kavarakuéra apytégui.+ 7 Upépe peẽ ha pende rogayguakuéra peʼu vaʼerã koʼã mbaʼe Jehová pende Jára renondépe,+ ha pevyʼa opa mbaʼe pejapóvare hína,+ pórke Jehová pende Jára penevendesi hína.